姨婆瑪麗 (已結業)

咖喱掺掺($40)(鱼腐+猪软骨+炸腐竹)••••••爬文好多人推介咖喱汤底，小编就无拣店家菜单上预设嘅配搭，走去散嗌𩠌。汤头好味，椰奶味比咖喱味重，辣度后劲凌厉🤣初初食ok无乜野，愈食愈有feel，要饮汽水解辣😜。鱼腐✅好吸味又吸汤汁😋几衬。猪软骨❌哗攞命！原味猪软骨😂😅就系熟嘅猪软骨，完全无调味，咬一啖出现十万个问号，无诚意到咁🤨系咪马来西亚唔兴食猪软骨㗎(?)炸腐竹✅几特别，好脆，有一半浸左汤，如果另上会更好。掺掺即系「油面+米粉」，米粉同汤头好夹又挂汤，可惜油面煮得太淋啦，完全无哂咬口😕。辣死你妈 配沙嗲鸡翼($58)••••••鸡翼系单骨鸡翼，炸得干咗啲🌚椰香饭清淡，椰香味薄啲，反而捞啲伴碟嘅叁芭辣椒酱仲香仲有马国风味😚「姨婆玛丽」嘅叁芭辣椒酱偏甜，配鳀鱼、花生、青瓜食，成件事即刻丰富咗😋。槟城五香猪肉卷($42)••••••好食！外层脆脆系腐竹皮，睇落似系切开小块先炸，所以每一块都咁香口🤤入口几有肉感，内馅有爽口马蹄，非常唔错嘅小食，份量对得起价钱。