香港地 (已結業)

今日Happy Friday，打算同同事去食餐好嘅，但度度都要等位，结果颓颓地黎左呢度食快餐，贪佢唔洗点等位。我今日食左碟男人碟头饭：煎蛋豉椒免治牛肉炒饭（$58）。说实话质素真系好一般。首先，炒饭唔够干身，而且上面啲𩠌太多汁喇，水汪汪咁。而致命伤某程度上同我有关，就系我以为呢碟系豉椒排骨炒饭，原来我睇错左，系免治牛肉，哈哈。难怪个配搭咁奇怪啦。呢度成日都好旺场，但都希望质素可以平均啲，唔好因为客源多而掉以轻心，始终外出食饭好难避免帮衬连锁店呢。