臺北棧 (港威商場)

营业中

休息中

主要系因为餐厅装修几特别，完全唔似系食台湾野，餐牌食物卖相吸引，就入咗去试吓。脏脏咸蛋黄芋泥蛋饼$88见到个配搭好特别，所以试吓，但食落觉得味道和口感完全唔夹，最后仲无食晒😌明太子甜不辣$78鱼饼口感烟靭，表面有明太子酱几好食，只系得6件细细块，略贵。招牌牛肉面配牛脂油$118拣咗手工刀削面，口感唔错，汤底几浓，但牛肉厚得嚟有啲靭，扣分🙃碗面份量偏少。珍珠奶茶$45 & 凤梨苦瓜$48两杯味道都普普通通😐整体来说，餐厅环境和装修几靓，座位舒适，但食物味道普通，份量偏少，价钱略贵，试一次就够。