仙滿堂

营业中

休息中

知道新城市广场新开呢间台式甜品店，特登过嚟试，周末晏昼3点唔使排队。芋圆1号薏仁红豆芋圆小白玉 仙草佢嘅仙草系非常弹牙，Q弹，用匙羹毕都会滑走😂唔会过甜红豆都系绵密，小白玉非常有咬口成碗野都几好食，但系败笔竟然喺芋圆度芋圆完全冇味，唔知点解佢冇比芋圆我，净系俾咗地瓜圆同埋紫薯圆(见到同隔篱枱𠮶啲唔同)烟韧口感足够，但完全冇味，同鲜芋仙仲差少少距离😂抹茶白玉丸子非常烟靭，抹茶粉够香，加上甜而不腻嘅奶盖，都几夹。比我想像中饱，建议多几个人食。另外，仲嗌咗大红袍珍珠奶茶男朋友话觉得奶茶冇奶味，茶味亦都唔够我自己就觉得佢啲珍珠太淋，冇味总括嚟讲经过唔使排队都可以试吓，不过入面座位都几迫，坐得好唔舒服。