PHO 會安 (已結業)

工人放假，同妈咪行完街两个人撑枱脚。我哋要咗经典嘅生牛肉牛筋金边粉、海鲜汤檬粉、猪肉鲜虾纸米卷。生牛肉牛筋金边粉嚟到啲牛熟哂，牛筋系白色的，比例上𩠌好少但粉好多，汤底唔过咸但亦同时冇乜牛味。啲香叶放落汤都唔香，唔系好新鲜。海鲜汤檬粉啲鱼都几有鱼味似新鲜，汤底有虾味唔同牛肉𠮶个，但明显觉得唔系靠鲜虾带起鲜味。猪肉鲜虾纸米卷啲檬粉同猪肉咬落好有质感，但酱汁只味咸咗啲，而且冇鲜虾味摆明雪藏货。食落全部正常但冇惊喜。反而个茶系越南香片几特别，唔似响酒楼饮开嘅香片茶味。