老趙越南餐廳

营业中

休息中

平日放饭，同同事一行四人十二点松啲去到餐厅，当时八成坐满，唔洗排队，基本上成餐饭都见唔到出面有人龙。我叫左香茅猪扒汤檬，一黎到就觉得份量有少少细，汤檬个汤正正常常，唔会好油、唔会好重味，够味而食完后唔会太口渴，但啲檬粉太碎啦，根本夹唔到，要好匙毕黎食。至于个猪扒，有三块，份量正常，一块入面有肥有瘦，瘦既部分都几干柴，做唔到人地瘦既部分都好腍滑既感觉，味道都足够，略嫌油左少少。因为个粉份量有啲少，同事俾左啲饭我食，肉碎几重味，但都几辣，唔明点解贵咁多。跟餐叫左红枣桂㘣茶，唔会超甜，只系偏甜，入面真系有红枣同桂㘣，唔错。另一位同事既牛尾饭，我无食就唔评论了。