影片
更多
2023-04-27
1691 浏览
庆祝生日食好啲，呢间餐厅最岀名就系可以饱览无敌维港景，今次就嚟睇下佢嘅食物质素如何！想试多啲款式所以叫咗signature tasting menu，每位$880，total有8样嘢。▫️吞拿鱼及三文鱼刺身 3/5▫️火炙油甘鱼及带子寿司配明太子酱 3.5/5头盘先来刺身同寿司。吞拿鱼切得比较薄，唔肥亦冇乜油香，同之前喺中等价位自助餐食嘅质素一样🤣。三文鱼就正常水平，材料都新鲜。带子配海胆同三文鱼籽寿司有惊喜，带子好厚身，海胆好鲜，又唔会抢咗带子嘅甜味，呢个配搭冇得输！火炙油甘鱼寿司反而一般，油甘鱼唔厚身，虽然烧得好香但系比明太子酱抢咗鱼味。️▫️ 精选生蚝配三文鱼子 (4/5)OpenRice订座signature tasting menu就会送一人一只，生蚝入口鲜甜，唔会腥，略嫌唔够肥美，但系以免费嚟讲质素已经好好。▫️薄切红菜头沙律配芹菜头羊奶芝士酱，香橙及黑醋珍珠 (2.5/5)腌过嘅红菜头切成圆片，加上咸咸哋嘅羊奶芝士酱，再配上香橙同黑醋珍珠做点缀，应该要食到甜酸咸三种层次。但系入口黑醋味独占味蕾，略嫌酸味太重，食唔到其他食材嘅味道，之后将黑醋珍珠分开先食到芝士酱嘅咸香同香橙嘅甜味，食
▫️吞拿鱼及三文鱼刺身 3/5
▫️火炙油甘鱼及带子寿司配明太子酱 3.5/5
头盘先来刺身同寿司。吞拿鱼切得比较薄，唔肥亦冇乜油香，同之前喺中等价位自助餐食嘅质素一样🤣。三文鱼就正常水平，材料都新鲜。带子配海胆同三文鱼籽寿司有惊喜，带子好厚身，海胆好鲜，又唔会抢咗带子嘅甜味，呢个配搭冇得输！火炙油甘鱼寿司反而一般，油甘鱼唔厚身，虽然烧得好香但系比明太子酱抢咗鱼味。
️▫️ 精选生蚝配三文鱼子 (4/5)
OpenRice订座signature tasting menu就会送一人一只，生蚝入口鲜甜，唔会腥，略嫌唔够肥美，但系以免费嚟讲质素已经好好。
▫️薄切红菜头沙律配芹菜头羊奶芝士酱，香橙及黑醋珍珠 (2.5/5)
腌过嘅红菜头切成圆片，加上咸咸哋嘅羊奶芝士酱，再配上香橙同黑醋珍珠做点缀，应该要食到甜酸咸三种层次。但系入口黑醋味独占味蕾，略嫌酸味太重，食唔到其他食材嘅味道，之后将黑醋珍珠分开先食到芝士酱嘅咸香同香橙嘅甜味，食材口味配搭唔太平衡。
▫️九条葱花蛤面豉汤 (4/5)
面豉汤加入花蛤同菌类整成，听个配搭就知唔会唔好饮。汤底不会过咸，花甲亦大只有鲜味，唔错！
▫️虎虾天妇罗 (3.5/5)
每位有两件，炸粉够薄薄而且虾肉厚实弹牙。唯独是虎虾唔大只，大只啲就更加满足！啲肉好厚实，炸粉够薄，唔错。天妇罗仲配有一条秋葵，食落好苦，唔识欣赏🤣
▫️自制鸭肉意大利鸟巢面配黑巧克力及意大利瑞可达芝士酱汁(3/5)
鸭肉切到好碎，冇咗鸭肉独特的口感和味道。酱汁食到黑巧克力嘅微微苦味，又有小小卤水嘅药材味，个人觉得唔太夹。面条冇乜蛋香，但系煮嘅时间啱啱好，食落唔会过硬或过淋。
主食可以三选一，简咗唔洗额外加钱嘅两款
▫️银鳕鱼西京烧 (2.5/5)
肉质唔嫰滑，口感似食紧鱼干多过西京烧。调味亦都过重，食多几啖有啲咸。
▫️油封猪仔肉 (4.5/5)
肉煮得好淋，入口即溶，皮好薄好脆，加埋甜甜地嘅红洋葱酱同香醋梨一齐食唔会好腻，推荐！
▫️Tiramisu (4/5)
用朱古力整成半球体状，内有手指饼同忌廉，创意同美感十足。咖啡酱喺另外上，可以自己按喜好控制分量。手指饼唔会浸得太淋，可以睇到咖啡只渗入手指饼嘅一半，保留口感。意大利软芝士好顺滑加上忌廉厚实，唔算太甜又有层次。成个tiramisu都冇咩酒味，大人小朋友都啱食。因为系庆祝生日，提前叫咗系甜品上面写生日message，但系嚟到净系得个预先印好咗happy birthday嘅朱古力牌，有少少失望😬
价钱贵就预咗，不过食物水准一般，呢个价钱好大部分都系用嚟买个景，所以一定要记得request window seat！服务态度唔错，但系未做到高级餐厅嘅水平，唔会积极跟进客人需要，举手叫侍应有时好耐都未有人应。而tasting menu上面嘅菜式都系可以散叫嘅，想到访嘅朋友可以参考下再选择散叫定系叫set。
Overall rating (5粒⭐️为满分)
味道：⭐️⭐️⭐️
服务：⭐️⭐️⭐️
环境：⭐️⭐️⭐️⭐️⭐️
性价比：⭐️⭐️
张贴
