影片
更多
2018-09-22
719 浏览
早前晌葵涌嘅「大公鸡」食到碗高质嘅台湾牛肉面，讲开讲开，就读港大嘅表姨甥女亦有好介绍，就喺西营盘嘅「台湾郎」，一听个名就知喺卖台湾菜啦。今晚，就喺如佢嚟试试呢度嘅牛肉面。唔单门面做到好台湾夜市样，就算入到餐厅里面，一样喺好有台湾风情。原木木枱、大灯笼、墙上小盆栽，都令到环境、气氛轻松。最特别喺水吧位，就好似夜市啲卖饮品档，一条条五颜六色嘅菜名牌，可讲喺台湾夜市嘅特色。而且，就算闲人，亦有唔少人帮衬，有份热闹感。随著港岛西延线开通，西环真喺越嚟越多特色食肆。翻一转餐牌，原来有几好选择，除惯见嘅牛肉面、卤肉饭，仲有私房菜菜式（需预订）、台式小菜、粉面饭、小食、汤水，以及各种台式饮品、啤酒。另外，仲有两版「主厨推介」及「宝岛怀旧套餐」餐牌，唔想谂太多，晌度拣就快靓正。两款套餐喺包热饮，亦可加钱转其他饮品。经典台湾香肠 $58小弟对台湾香肠仲喺停留于「黑桥牌」，此外，都唔喺有太多认识。上枱时已切成薄片，较地道嘅食法喺可以伴以蒜片一齐食，当然，衬台湾嘅果啤就风味更佳，而香肠入口带甜，肉质唔会太肥膏，感觉唔错，喺定价似乎有少许贵。香炸花枝丸 $28一客共有3粒，粒粒都成个乒乓球咁大，炸得黄金，不过
唔单门面做到好台湾夜市样，就算入到餐厅里面，一样喺好有台湾风情。原木木枱、大灯笼、墙上小盆栽，都令到环境、气氛轻松。
最特别喺水吧位，就好似夜市啲卖饮品档，一条条五颜六色嘅菜名牌，可讲喺台湾夜市嘅特色。而且，就算闲人，亦有唔少人帮衬，有份热闹感。随著港岛西延线开通，西环真喺越嚟越多特色食肆。
翻一转餐牌，原来有几好选择，除惯见嘅牛肉面、卤肉饭，仲有私房菜菜式（需预订）、台式小菜、粉面饭、小食、汤水，以及各种台式饮品、啤酒。
另外，仲有两版「主厨推介」及「宝岛怀旧套餐」餐牌，唔想谂太多，晌度拣就快靓正。两款套餐喺包热饮，亦可加钱转其他饮品。
经典台湾香肠 $58小弟对台湾香肠仲喺停留于「黑桥牌」，此外，都唔喺有太多认识。上枱时已切成薄片，较地道嘅食法喺可以伴以蒜片一齐食，当然，衬台湾嘅果啤就风味更佳，而香肠入口带甜，肉质唔会太肥膏，感觉唔错，喺定价似乎有少许贵。
香炸花枝丸 $28一客共有3粒，粒粒都成个乒乓球咁大，炸得黄金，不过，有别惯常食贡丸咁爽爽弹弹，虽然内有唔少墨鱼粒，但口感有啲粉。
凤梨甜酸虾球 $88试咗两道小食，又试试佢哋小炒嘅手势，甜酸虾球细细份，小托碟，颇精致。咪睇佢份量好似唔多，但质高，啲虾球用上新鲜大虾，食得出有鲜虾味，而且，口感非常之爽弹；每只虾球有薄薄一层甜酸酱包住，唔会太厚身；唯一挑剔位喺垫底用罐头凤梨都算，但一入口喺冰嘅，令感觉就无咁好。
红烧牛肉面 $88上次「大公鸡」嘅台湾牛肉面好有水准，今晚晌「台湾郎」食到嘅红烧牛肉面亦相当出色，外观已睇落好大碗。个汤底同样做得沉厚香浓，饮完都唔会有口渴嘅问题；粗身嘅面条耐浸有咬口，而且，份量十足；至于牛肉喺采用牛展位，件件都裁得大大嚿，但出奇地煮得松化软腍，又有肉香够晒入味，伴以好多红萝卜、白萝卜，清甜无渣。
蜂蜜姜茶（跟餐）点个牛肉面可以免费要杯热饮，表姨甥女多数会拣热饮，蜂蜜姜茶就最啱佢，滋润暖身嘅感觉。题外话，最唔钟意𠮶啲全黑色瓦杯，影相唔多靓，又睇唔清杯嘢喺点。
芒果乳酸爆珠 $20
仲喺大热天，我就喜欢冻饮，本来想饮珍珠奶茶，但又未试过爆珠系列，贪得意试试。清爽就几清爽喇，不过，啲乳酸爆珠就唔喺太合我自己口味，都喺钟意烟韧嘅珍珠啫。
喺个花枝丸失色咗啲，其他菜式都好食，七、八月无乜点打风，反而九月一嚟就两个：百里嘉、山竹，后者更喺破坏力强嘅超强台风，劲过旧年嘅天鸽。台湾，亦喺常受台风影响嘅地区。人生亦然，总有不少风风雨雨，几许风雨过后，定有晴朗的一天，雨后草更清嘛！
张贴
