影片
更多
2019-07-23
2156 浏览
环境方面，地方阔落、装修几靓，有唔同嘅座位，有啲好似吧台、有啲卡位、有啲系梳化咁，我果日坐正常台。食物方面，款式超级多，比平日其他晚餐自助餐仲要多，而且放嘅地方分散哂，唔会好迫人。虽然食果日都爆哂场，但拎食物都唔驶点排队。介绍有咩食先：沙律区：沙律款式多，有已经捞好，好似凯撒沙律、三文鱼沙律、黎巴嫩青瓜沙律、红菜头沙律、木耳沙律、露笋蚕豆芝士沙律⋯亦有好多蔬菜、配料同酱俾你自己捞面包区：面包有几款，仲有成罐cracker、面包条，可以配牛油、果酱或者唔同款式嘅Ham、芝士，但冇烤箱俾你烘面包日本菜：前菜，有泡菜、小鱼干、麻酱豆腐、中华沙律、凉拌青瓜、螺肉⋯寿司有4款：墨鱼、加州卷、北寄贝同唔知咩小紫菜卷。刺身姐姐切，有三文鱼、希灵鱼、八爪鱼、立鱼同北寄贝即场制作嘅天妇罗同串烧，天妇罗有冬菇、南瓜、蕃薯、茄子同好似苦瓜味嘅绿色蔬菜。串烧有4-5款，但我只记得食过嘅鸡肾同鸡肉。鸡肉串烧几好食，唔似超市买好多甜汁果种印度菜：全部盖住睇唔到😅有奶油咖喱鸡、玛撒拉牛肉咖哩、羊肉咖哩、咖哩杂菜、天多利烤鸡，仲有几款烤饼同酱。试左咖哩鸡、咖哩杂菜同天多利烤鸡，够味，鸡肉系鞋口，但我本身系钟意啲肉鞋，
食物方面，款式超级多，比平日其他晚餐自助餐仲要多，而且放嘅地方分散哂，唔会好迫人。虽然食果日都爆哂场，但拎食物都唔驶点排队。
介绍有咩食先：
沙律区：沙律款式多，有已经捞好，好似凯撒沙律、三文鱼沙律、黎巴嫩青瓜沙律、红菜头沙律、木耳沙律、露笋蚕豆芝士沙律⋯亦有好多蔬菜、配料同酱俾你自己捞
面包区：面包有几款，仲有成罐cracker、面包条，可以配牛油、果酱或者唔同款式嘅Ham、芝士，但冇烤箱俾你烘面包
日本菜：
前菜，有泡菜、小鱼干、麻酱豆腐、中华沙律、凉拌青瓜、螺肉⋯
寿司有4款：墨鱼、加州卷、北寄贝同唔知咩小紫菜卷。刺身姐姐切，有三文鱼、希灵鱼、八爪鱼、立鱼同北寄贝
即场制作嘅天妇罗同串烧，天妇罗有冬菇、南瓜、蕃薯、茄子同好似苦瓜味嘅绿色蔬菜。串烧有4-5款，但我只记得食过嘅鸡肾同鸡肉。鸡肉串烧几好食，唔似超市买好多甜汁果种
印度菜：全部盖住睇唔到😅有奶油咖喱鸡、玛撒拉牛肉咖哩、羊肉咖哩、咖哩杂菜、天多利烤鸡，仲有几款烤饼同酱。试左咖哩鸡、咖哩杂菜同天多利烤鸡，够味，鸡肉系鞋口，但我本身系钟意啲肉鞋，所以觉得好味
香港菜：其实另一边仲有烧味区、海南鸡饭、蟹粥呀、即炸油炸鬼果啲，呢度主要系渌面，面可以拣油面、粗面、米线或者濑粉定薯粉，配菜有韭菜、银芽、豆卜、鱼片、鱼蛋、墨丸、云吞、生菜、小棠菜，除左葱、辣椒酱、炸蒜等仲有虾籽粉
有3款点心，牛肉烧卖、粉果同奶黄包，试左奶黄包，热辣辣，虽然唔系流沙都好味
其他热食：汤有中汤同忌廉汤，小菜都几多款，想食肉有澳洲西冷同烤羊脾。试左辣椒烤鸡，鸡肉都系鞋果种，我觉得好好味，蒜炒蒜芯、蚝皇扒鸭掌(我净系食左扒嘅生菜，好味)、泰式海鲜、烤墨鱼同带子⋯另外，仲有即开生蚝、青口、虾、蟹脚果啲，但我冇试
甜品区：甜品款式都好多，除左小切饼、奶冻果啲，仲有好多一罐罐嘅曲奇、软糖，试左青苹果挞、杏仁小蛋糕、盐味同焦糖味爆谷。果度仲有即场制作waffle ，落花生酱同炼奶就变成格仔饼，食左2件好味
雪糕有12款口味，另外亦有2款软雪糕可以自己挤同落topping 。因为有曲奇雪糕筒，所以平日好少自助餐食雪糕都食左2次，试左焦糖曲奇同柠檬青柠
张贴
