蘇山雞飯

营业中

休息中

呢2日天气好反覆呀, 忽然间凉咗好多, 今日去长沙湾时见到 ❥⧽苏山鸡饭 ❥⧽有肉骨茶食, 即刻入去食, 等自己可以暖笠笠。餐厅有好多卡座位, 枱与枱之间有足够距离, 都坐得几舒服。𓊈白胡椒肉骨茶配白饭+炸油条𓊉肉骨茶偏重胡椒味, 唔会太重药材味, 容易入口, 肉嘅份量好多呀, 肉质软腍, 配白饭食或者油炸鬼食都好好味。𓊈炭烧猪肉串𓊉大大力推荐呢个猪肉串, 烧得好香而d 猪肉好嫩滑亦充满肉汁。𓊈海南猪扒咖哩烤饼𓊉猪扒好厚身有咬口, 咖哩香浓, 用嚟蘸烤饼食, 好好味。𓊈恐龙美禄𓊉面层有美禄同朱古力碎碎, 见到已经好开心, 充满童真嘅感觉, 味道唔会太甜。𓊈金装柑桔蜜𓊉酸酸甜甜好开胃, 里面仲有薄荷叶, 加埋一齐好解渴。✧✧ 整体食物同饮品都好好, 职员好 nice, 我唔知点解 QR code 落唔到单就即刻帮我手写落单, 值得再去呀。