品記麵食 (已搬遷) 新店位置

同家人去完道风山观礼,有shuttle bus落番大围, 我地港岛人,少过黎大围揾食, 净系识枫林小馆,但系时间好似唔啱大吃大喝, 只想食d野打底,惊今晚去饮夜食饭,系火车站附近打左个圈,见到个绿色招牌好抢眼,于是决定试一试"品记面食"。佢开系村屋楼下,舖外放左几张枱,舖内好细,人多时一定要搭枱。我地几个坐下即叫了"老姜汤猪润蛋面","蕃茄汤猪扒面"同"爆脆猪油渣面"。我地万分期待个猪油渣面,妈妈成日讲佢后生时的猪油渣面有几香有几脆有几好味,听到我地成日去揾,结果系即使出名的深水埗油渣面都唔附合妈妈心意。估唔到无心之下竟然揾到啱佢心意嘅油渣,d猪油渣真系好脆,都几香,不过份量几少,妈妈唔够喉。至于我个老姜汤猪润面呢,我都十分满意,汤头好够姜,猪润系新鲜猪润,煮得刚刚好,好爽滑。阿妹个蕃茄猪扒面,汤都几蕃茄,食到有蕃茄蓉,炸猪扒另上,唔怕浸淋晒。我地本来想试埋煎多士同其他小食,可惜饱了,下次再黎大围一定再试下。