品記麵食 (已搬遷) 新店位置

我聽朋友講左好耐，大圍火車站附近有間隱世小店，終於比我搵到，其實舖頭門口，一啲都唔顯眼，稍一不留神就會miss 左！我今日去到冇諗過堂食，因為有一大堆人係門口等位，唯有買拎返屋企食啦！😝其實都有D無耐，我D個外賣足足等左差唔多半個鐘，絕對冇誇張呀⋯⋯好彩我都吾趕時間，如果唔係一定燥底星期一、二千祈吾好諗住去，因為佢哋休息😭D碗懷舊狗仔粉外表雖然平平無奇，但食落D狗仔粉好有咬口，D菜甫好正，又好香大地魚湯味，吾怪得之甘多人幫襯拉，果然名不虛傳香茹同肉碎、蝦米都有，一碗望落去豪不起眼嘅狗仔粉，原來內裏甘多料，抵食，不過如果你不是一個有耐性等待嘅人千祈唔好去，因為真係要等架

今日下午去了大圍村品記，這家食肆和大多的"名店"一樣，很有個性，星期一，二休息，其他日子亦只開1100-1800，店內主打面食及多士。今日點了一個薑湯豬潤銀針粉，一個茄蓉豬扒米粉，一個蒜蓉多，一個咖央多，一個凍奶茶。薑湯豬潤銀針粉，薑味足夠，十足以前屋企飲既豬潤水，豬潤厚切，不過稍稍熟了多少，或者你當買個安心吧！茄蓉豬扒米，茄蓉都幾足，亦夠味，豬扒薄粉生炸，碎上，夠味亦夠嫰，米粉正常。多士呢度係用煎PAN煎既，面包無烘咁乾，面包唔太厚，醬足既。兩隻都好食。奶茶一般。鋪頭頗細，好多時都要等位，星期六，日飲品無優惠，可能店鋪太有個性，店主店員都有點冷酷，唔可以話差，但就太酷。

幫襯左品記好幾年 每一次去都要等位架!今次都唔例外🙊 品記雖然環境細但枱與枱之間都圍左板隔開 所以可以食得放心當然首選係外賣(如果住附近!)呢度既老薑湯出名 不過蕃茄控既我每次去都係食茄湯/狗仔粉😋今次就嗌左💁🏽‍♀️蕃茄鮮牛肉通粉($35)蕃茄雞中翼銀針粉 ($35)湯底偏稀身無咩茸 但有好多茄肉 用新鮮蕃茄煮既湯底係唔同d💕配通粉/銀針粉都好夾!鮮牛肉有大約7片 有醃過味 略嫌唔夠滑!雞翼就炸得好香脆 又幾入味👍🏽另外仲叫左每次都必叫既💁🏽‍♀️溏心鮮鴨蛋 ($14)由$11食到$14都堅持要食✊🏽因為我仲未搵到第二間餐廳有溏心鴨蛋食🤭 (有都未必做到咁好!)蛋味份外濃郁之餘 流心既蛋黃同嫩嫩既蛋白都好入味 帶有酒香😌凍奶茶 ($19）茶底香濃 但略嫌甜左d!要食到好野都唔易架因為品記唔係成日開🤣 要試既話記住要睇岩日子同時間!

一向都有幫襯佢，油渣麵同狗仔粉不俗，每次都會叫食食下發現碗粉內藏毛髮！同職員講（事後先知佢係負責人），佢竟然粒聲唔出就咁倒左佢就算！見佢完全唔處理，好聲好氣同佢追究，佢竟然破口大罵講哂粗口，反話我「點知係咪你條毛！」老實講，有時製造食物唔小心跌左條毛其實有機會，但估唔到做生意嘅會唔處理，仲要反咬個客屈佢！我回佢：如果懷疑可能係個客嘅，其實都可以第一時間平心靜氣講，而唔係粒聲唔出倒左佢，sorry又冇句！仲要喪鬧狂講粗口！而且又唔係第一次幫襯，會唔會屈佢呀！佢同另人年紀大啲嘅女人講左一連串難聽嘅說話，例如「唔好意思囉！」；話我係乞衣；又話碗野冇影相野又倒左，有本事就告我囉！一上openrice睇，原來佢唔係第一次黑面鬧客！咁橫不講理嘅食店都係第一次遇到幾好食都假（況且又未去到話非常好食），枉叫自己品記，一啲品都冇！千錯萬錯，一定唔係佢自己錯絕對唔會再幫襯！ 建議想食嘅人要三思油渣麵同狗仔粉不俗有傳統風味但份量偏少（份量比較合適食量少的人）菜圃很辣（好辣的人應該很喜歡）

今日差唔多兩點去到以為會冇乜人，點知都要等幾張枱。奈何朋友又好想食豬膶麵，突登搵到入尼又冇理由唔等，最後等左十幾二十分鐘就有得入喇舖面真係超細，餐牌選擇唔多但出名嘅好似都唔少，揀左老薑湯豬膶拼餐肉米粉、蕃茄茸湯生炸豬扒拼煎蛋銀針粉（好少有！）同一份花生醬奶油煎厚切麵包。薑湯好夠辣，見到有好多切到好細嘅薑茸，豬膶煮得啱啱好唔會熟得滯，確係幾出色。茄湯都濃味足料，炸豬扒反而覺得一般，有少少乾得滯，反而見到隔離叫炸雞翼睇落好juicy 幾吸引。煎多士不過不失，係好食過普通用焗爐整，冇咁乾同熱氣（感覺上 😂）

老闆態度惡劣，無啲禮貌，唔尊重食客，想俾錢買難受可以去幫襯，但我就真係唔再幫襯。乜嘢唔只得維記有豬潤麵喎，你基本上係大圍開檔先有生意炸。生炸雞翼味道普通，蕃茄湯好似茄醬溝一樣。公道點，薑湯係有特色。

品記麵食 食物質素來講 是可以的 各樣食物 不論是狗仔粉 油渣麵 多士也是很不錯所以他即使星期一二 加 晚上不開張 也能維持經營好幾年不過換來就是要吃一個簡單的麵餐也不容易 時間要選得對排隊等1小時也是很常見的到吃完有時候1至2小時也不會感到見怪食物好吃 多等一回 沒關係 不過老闆娘的態度卻十分惡劣 黑口黑面又無禮 幾年前有次光顧 就已經遇過她們因為配合其他客人位置 要求當時在進食的客人調位 當客人不願意就大罵：「食碗麵即 要調位置又有幾難呀！」自此 已經很害怕這位老闆娘 但那次與自己無關 所以還是有繼續光顧！不知道是否雜誌介紹 名氣漸大 品記麵食慢慢變成無品麵食 老闆娘的態度變本加厲 已經不是人齊不能入座 要在門口多等一回這樣簡單再舉例有次在下單時候額外加了一份油渣 而麵已經上檯 那自自然就會想一併吃老闆娘又馬上惡婆上身 說到：「你沒有看見我只有一雙手？」價錢方面 可能物價通漲吧 飲品也由原本的跟麵優惠 變成假期時候為原價難道真的以為自己賣的凍飲沖得好好嗎？再想有禮貌地追問一句那就被說著：「自己看餐牌吧 不懂字嗎？」我想這樣 平心而論 光顧的都是客人 禮貌也只是做人的基本吧 更何況是

搬入大圍5年，久不久都會幫襯這間小小的茶餐廳。今天平日早點過來吃lunch，不用等位很快就上菜了。湯底有老薑，茄茸，清湯。前兩者都好味，但今天很熱，所以還是挑選茄茸，好多蕃茄很開胃。另外點了餐肉和鮮牛跟米粉，牛肉很滑也醃得入味。這𥚃的生炸豬扒和雞翼也好好味的！另外點了溏心鴨蛋和咖央多士，多士厚身鬆軟，還加了椰絲，雖然還有麵食，但也極速KO。之前還食過狗仔粉和油渣麵，都非常美味。是大圍平民茶餐首選

今日同朋友嚟到大圍踩單車🚴‍♀️ 踩完餓餓地就去左好出名的品記食下午茶 朋友作為大圍人十分推薦我食雞翼 好彩果陣吾係好多人 即刻入得！🤪🤪🤪🤪我地叫左老薑湯同清湯炸雞翼配煎蛋公仔麵😚😚😚 有朋友吾想食咁肥就叫左米線😂😂 薑湯好好飲 好暖胃!! 炸雞翼熱辣辣 好酥脆😍 果然無失望👍🏼👍🏼👍🏼 另外我地仲叫左份咖央多士 其實係有一整個正方形 只不過朋友太餓食左 烘熱左的多士脆脆地 咖央分量都好充足 有d甜整體都吾幾錯 推薦大家嚟試地道茶餐廳！推薦:⭐️⭐️⭐️⭐️

大家一定要來吃呢間隱世小店，黎開大圍既人都知佢既存在，少黎既就唔會發現到佢。今次已經係我第六至七次來吃，叫了炸雞翼腸仔面，蕃茄湯底特別好食。店員態度還好，好有街坊生意感覺，好親切，會經常提醒外面抄牌另外佢既炸豬扒同咖央都一流，之前食開都會叫，值得推薦！👍🏻👍🏻另外，凍檸茶同凍奶茶都必飲可惜飲品另計，沒有套餐之類。特別注意繁忙時間人好多需耐心等待，而且舖頭很細，適合二至三人來吃，多人就難坐埋一齊。

冬天特別中意食麵，熱辣辣豬潤又可以補血，特登search 邊度有豬潤食鋪頭位置都幾隱蔽，唔容易察覺到佢嘅存在老薑湯豬潤麵簡直係麻甩的浪漫！勁多薑蓉，冇諗過會咁足料，愈食 個身愈暖。豬潤都有好多塊，而且每塊都好大塊 好厚身。有人覺得太熟唔好食，但對我黎講煮得岩岩好，唔會太生 又唔會太熟，仲有少少爽口。薑蓉湯+豬潤+麵，一啖食晒係超級夾，加埋晒好好食。湯底配搭+勁厚身豬潤，個人覺得好吃過深水埗好出名個間。炸雞翼價錢小貴。不過即叫即炸，熱到辣口，外脆內嫩，好味。

數數手指，也已有若干年沒在大圍的小食名店"品記"吃過東西了....聞說這裡經過轉手後水準有下降，而且服務態度也被客批評。眾說紛云，今日就親身驗證一下是否屬實吧....人是一如往舊時多，入去不一會就已全場爆滿。叫回我從前常叫的兩樣東西 ---- 那便是油渣麵以及油砂多....麵量不多，可真是明符其實的小食呢。油渣有炸脆過，但油香似乎沒有像從前般濃郁，不過冬菇絲依然健在，也就成功為整碗麵提供了額外的香氣；油渣和上海麵是天生的絕配，和其他什麼河粉或米粉就是不搭調的。這兒的上海麵處理得不過份地淰仍存咬勁，吸湯能力甚強，頗佳；但湯色個人就認為混濁了一些，有點缺失也....要做一份好的油砂多，難度即近等於零，只要多士烘得熱兼脆，再加上下重手落超多的砂糖及牛油就成了。我個人認為，在家弄的一定比在街邊做得要好....果然不出所料，這兒的多士雖真的烘得不俗，但可惜的是牛油及砂糖塗得有點吝嗇了。相中的砂糖，是我之後從糖盅後加的....吃畢，覺得和以前比較，水平是有點不及了但也不至於有大退步。服務上，小弟倒覺正正常常沒遇到有甚麼待慢或不快之經驗的.....

OMG 我最鐘意食 D 唔健康既野❤️上個禮拜男朋友話我知 大圍有間店舖做左 豬油渣面Number 1立即去 食下先 .呢間餐廳係坐落大圍一個村屋地下。 細細間，的的色色。做左咁多年大圍人都唔知有呢間餐廳仔係大圍😂😂.一坐低，無慮即決🗣一碗油渣面唔該等了大約5~8 分鐘 終於可以食.▪️個麵底ok 唔會煮到過冧▪️菜普大大粒 好爽口😛叫中辣👍🏾▪️油渣就炸到脆卜卜。就算浸左陣湯都仲有咬口😖▪️湯底 方面， 有點兒淡口。唔睇返menu 都唔知 原來係豬骨湯😝▪️我最鐘意 就係一啖菜普加d 油 渣一齊同步食 👼🏻so far 都會再 去食呀 因為我見到 d 街坊會叫埋佢d 多士食🙋🏻‍♀️🙋🏻‍♀️ ..

今日去咗大圍呢間品記，一個星期淨係開四日，逢星期一二休息，趁今日星期日出開大圍就試吓佢啦！去到都見到有幾多人排隊，我哋都等左差唔多15分鐘先入到去傳說個老闆娘好惡，不過見我哋揸住野飲，都只係溫馨叫我地唔好飲住， 似乎都唔係傳說中咁冇服務態度丫！我哋一開始叫咗個糖心鴨旦，一啖食左唔記得影相味道好濃不過質地就偏實，我個人都係鍾意食雞蛋多啲，不過朋友就話鴨蛋都幾好食！之後我哋分別叫咗油渣麵同埋薑湯豬潤麵！油渣麵叫咗辣嘅菜莆，唔夠辣不過豬油渣好脆！薑湯豬膶麵個湯好夠味！不過豬膶就好似太實啦！見啲嘢都幾好食我哋再加多咗個炸雞翼，一心以為係普通雞翼啦，原來係加咗南乳落去炸，好有驚喜喎~埋單$107，可以有下次！

品記麵食—我算是常客，那裡每種食物份量不多但健康。但老闆娘惡劣的態度我早已感覺有點不妥當，以往不發生在自己身上，也就算了！今天工作了大半天，想找個地方醫醫肚，就來到品記麵食。沒想到一入門口就開始受氣，心想終於輪到自己啦！真倒楣！我只是一位，餐廳裏有三四個空座位，進去對老闆娘說一位，她竟然叫我出去等一等，再按她的吩咐才進入；坐在哪一個位子又不作聲；我剛剛自選一座位坐下，她就毫不客氣像命令奴隸一般叫我把半開的餐廳門關上；我回應她在我進入之前已留意到門是半開的，她卻說之前的學生妹沒有關上，叫我關上，語氣仍然是不很客氣！我立即離開這餐廳，已經一肚子氣，不吃也罷！這位老闆娘非常有操控力。一直以來有很多顧客都受過她的氣。這位中年瘦削的老闆娘態度不單止差；經常黑面；客人落單都要受氣，你急佢唔急，特登叫你等，連廚房那位都伸出頭來想快點知道客人吃什麼，她就是不幫你落單叫你等；當客人多的時候，她就催促那些差不多吃完的客人，快點離開；對人諸多控制；又沒有人情味，連小孩子也不放過。有些顧客怕了她，和他扮做朋友，她的態度就會稍為好一點。但作為顧客只是來消費填飽肚子，實在沒有必要來這裏看老闆娘的面色！雖說食物是用