麵館皇

营业中

休息中

之前男友已经讲过系铜锣湾有间味道唔错嘅药膳面，所以今次算系“慕名而来”。餐厅主打刀削面和手擀面，套餐组合选择亦都唔少。我哋拣咗麻辣猪肚＋手擀面，罐汤水饺＆北京蒸饺。手擀面搭配药膳汤其实系个唔错嘅组合。但如果唔钟意药材味嘅话，应该唔太接受到。上菜时，汤仲滚紧，扑鼻而来嘅浓浓药味。食落第一啖汤会觉得有啲苦苦地同埋中药味道。但食面，苦味又唔太明显，反而汤嘅单一能够衬托出面本身嘅味道。手擀面厚度与宽度都适中跟餐嘅麻辣猪肚就有点令人失望。整体单个辣味，无辣椒嘅香味，更加唔算系麻辣。如果对麻辣有所要求嘅朋友，就不要对尼类𩠌有太多期望。罐汤饺同蒸饺其实系一样，只不过做法唔同，口感有异。饺子汤都系一样嘅药膳汤底，好适合天气冻嘅时候饮，会特别暖胃。饺子大大只，肉馅够扎实。一个人食一份都未必食得晒。除咗猪肚有点失望，其他几点都算唔错。有机会会来试试主打嘅刀削面。