薔紅

营业中

休息中

系湾仔返工既朋友应该唔陌生吧😆我都默默去左几次，真系大份抵食👍🏻◾️脆皮烧春鸡 🐥：名物之一，差唔多个个都一人一份。一份得半只炸鸡🔥热辣辣。上菜嘅时候感受到有股热气♨️搣鸡肉嘅时候系会渌手既，所以最好就摊一摊，唔好咁心急🤣目测鸡大小适中，但系我觉得鸡肉比较单薄😌鸡皮薄脆。鸡肉嫩滑多汁💦撕开鸡肉嘅时候会见到有肉汁流出。味道香口，亦十分油腻🫥◾️黑椒猪手🐷：实物有啲震撼，猪手有两个拳头咁大✊🏻猪手有炆同炸两种烹调方法。炆猪手既猪皮比较腍，虽然满满骨胶原，不过比较滞。肉质会比较嫩同入味。而炸猪手，外层会比较香口。肉质相比下会比较干。因为我唔食猪皮，单论肉质我钟意炆猪手多啲，juicy啲💦同行既朋友会食埋猪皮，所以佢钟意炸既多啲。❣️不过炸猪手要喺落单嘅时候讲埋💬唔系佢一般都会系炆猪手。◾️芝士焗肉酱意粉🍝：似以前旧式茶餐厅果种👍🏻即使无咗肉酱汁，意粉都有酸味味嘅味道。除此之外，酸甜既肉酱，芝士淡淡奶香，清甜粟米🫶🏻味道丰富，唔单调。意粉口感软硬适中。好似有种魔力禁，令人停唔到口😋同依家嘅一般肉酱意粉唔同，真系一试难忘啊～系我暂时食过最好食嘅肉酱意粉！