北海道初雪烘焙 (已結業)

芝士挞热潮直卷香港，但其实都已经hit左大半年有多。初雪而家先起步可能都比同类型店铺迟了点。年初二经过金马伦道见到初雪的店员非常落力推销刚刚出炉的芝士挞，忍不住要试试 由于店员们非常落力的叫卖，店舖骤然人头涌涌 呢张就系店员派的宣传单张。初雪每日出炉1500个芝士挞，售完即关铺，年初二的七时多仲有新鲜出炉芝士挞。初雪来自北海道有名的中村商店，本是专做和果子的。但芝士挞也大受欢迎，香港店乃首间海外店，每日会由北海道派来香港既师傅做皮及馅料，再交到店内焗，以保持住跟北海道店一贯既味道 店铺细细但店员非常卖力 芝士挞$20一个，堂食以木碟盛著，size稍稍比其他店的芝士挞细少少。店家既芝士挞最与别不同系佢既曲奇皮，咬落较硬身，不会一咬即散。虽然话佢系半熟芝士挞，中间一点都不流心，反而比较挺身，热食奶香较重，芝士味及酸味反而唔够出。所以食完一个就决定包起一个返屋企食。返到屋企仍然有微温，但质感更硬净，奶味冇咁突出反而食到芝士的酸味相比热食我更喜欢冻食，所以想试的朋友不妨买完等多一等先食。