添好運點心專門店

营业中

休息中

出开中环，突然夜晚晚餐想揾点心食，原来IFC下面有间添好运，就过咗嚟食。餐厅游客比较多，七八点嚟到，好彩唔使等位就有得入座。豉油皇炒面面质干爽，食落好有镬气，配料有芽菜、葱段、洋葱同埋芝麻，整体份量少咗啲，一个人食未必够饱。精莹鲜虾饺虾饺中间有虾粒，虾肉爽口，未至于觉得特别新鲜，整体皮薄，唯独系细粒咗少少，整体还可以鲜虾烧卖皇质素还好嘅烧卖，虾肉同埋猪肉打得比较腍冇系𠮶阵爽口嘅感觉，唔算好大粒，不过不失煎蛋牛肉饭牛肉系蒸牛肉饼，食落入味，质地细滑唔嘞，蒸饭嘅饭粒分明，有少少咬口，配埋蒸饭甜豉油香口又好食蚝皇鲜竹卷鲜竹卷都几大件，一叠有三件，酱汁做得几好食，整体唔错猪颈肉捞粗面酱汁稍为有啲淡味，烧猪颈肉烧得几香口同入味，份量唔多，另外附上清汤，清汤都算浓味。好少见地原来呢度有冷泡茶，大热天时饮冷泡茶真系好舒服，我哋叫咗白桃乌龙，饮落浓度啱啱好，有清新嘅白桃香同淡然既乌龙茶香，非常清新。