廚十三老壇酸菜魚 (D2 Place ONE) (已結業)

屈指一算，冇上大陆都真系有一段时间，非常挂念太二的味道，可惜冇得返大陆，自然就冇得食咁美味嘅酸菜鱼。通关无望，就唯有喺香港揾代替品，知道厨十三同太二有啲关系，估计佢哋嘅出品应该唔会太差，一于决定试下。虽然bookmark 呢一间野好耐，但系一直都冇机会食。由第一间分店都到而家有成三四间分店都仲未有机会食，前牌系冇得晚市嘅日子决定外卖一个返去食。几个人晚饭再加多几个点心，刚刚好就食一餐酸菜鱼餐。酸菜鱼嘅份量都几多，芽菜莲藕分等等不决。饮一口汤味道冇咁太二咁出，但系个味道胜香港大部份嘅酸菜鱼。不过鱼肉就冇深圳食到咁出色，相对桂花鱼冇咁滑。当然价钱亦都比深圳食贵好多，但香港寸金尺土，以咁大份量嘅酸菜鱼来讲，其实都可以接受。其他嘅点心不过不失，但我最钟意佢嘅甜品，解辣一流。最推介嘅当然系莴笋，味道同深圳一样，绝对值得推介。冇得返大陆，至少都有个替代品，至少而家心痒都会上嚟食饭，感受酸菜鱼的滋味。