GYU TOWN 牛舌專門店

营业中

休息中

我系睇完Youtube某厨师介绍先去食既，结果大失所望。平日两点钟到达，本想避开繁忙时间，结果排队四十五分钟入座。幸排队时过对面买左包炸鱿鱼须食，唔系痛失一餐。二人点左两份餐，加了套餐、亦加了$10转牛脷饭，再加左$10要条肠。闲话少说，直接食评：葱蒜牛舌芯 - 未上菜佢已经系㶶既。侍应上菜时叫你自己反下佢，牛舌已经煎㶶到痴底。啲蒜系黑色既。其实如果你无条件做铁板、无能力控制到火力，或人手不足，系唔应该做呢道菜欺骗食客既。好简单其实切厚啲条脷已经解决到一半问题。牛肉卷葱蒜 - 呢道系正常既，但铁板呢个做法根本就系失败。当一间餐厅无咁既环境、人手、厨师既能力，都唔讲食材，一遇上客多冧档时，所做既所有食物就系欺骗食客。加$28套餐，再加$10有个牛脷饭，就一碗汤渣饭，你完全食唔到有任何享受，要味无味、要质感无质感、饭系烂既。加$10条肠个芯系冻既。环境狭窄，排队四十五分钟，价钱不算便宜，食物质素可悲。或者你会想去试。