影片
更多
2019-03-28
1026 浏览
有史以来最满足又满意的蚝餐like爆撞啱要过官塘开会，上次开会听个客话食蚝哩间The Fat Oyster一流。平时成日周围试蚝，唔系贵极唔饱，有的系剩系得一二只唔知咩蚝好平，其他出名果啲就贵到死！约定帮旧同事，谂住星期一无咩人，开完会先订位，结果打去无位，吓！约定脚点算，订位个女仔听完我约晒人，佢话唔介意俾8个人位我哋，11个坐逼啲，紧系制啦。5点零上到去，出面唔系好多人，但见到佢地好鬼忙，成枱都系外买袋，佢问会唔会食熟嘢，有牛，猪，羊，鸡买二个第二个半价promotion 但要先选好解冻，选咗和牛，西班牙猪，羊架各二块，佢提我今晚比较忙熟嘢会耐啲，明白我之前个客有提过我，食好野要等嘅，哈哈。7点未到己full house, 见到真好多蚝，仲要因为weekday，好似星期一，三四🈶️比较多款做买一打送6只优惠，当日已经有16-7款，见到几只我食开的蚝一打送6只送完后平过出面一半，有我最钟意white pearl, 水中花，majestic, pinky, 全部都系名牌蚝，真系咁平？反正11个一人一打绝对无问题，就试晒佢哋嘅promotion, 8打送4打，揞住嘴话抵。我地有位蚝痴大肚婆
撞啱要过官塘开会，上次开会听个客话食蚝哩间The Fat Oyster一流。平时成日周围试蚝，唔系贵极唔饱，有的系剩系得一二只唔知咩蚝好平，其他出名果啲就贵到死！
约定帮旧同事，谂住星期一无咩人，开完会先订位，结果打去无位，吓！约定脚点算，订位个女仔听完我约晒人，佢话唔介意俾8个人位我哋，11个坐逼啲，紧系制啦。
5点零上到去，出面唔系好多人，但见到佢地好鬼忙，成枱都系外买袋，佢问会唔会食熟嘢，有牛，猪，羊，鸡买二个第二个半价promotion 但要先选好解冻，选咗和牛，西班牙猪，羊架各二块，佢提我今晚比较忙熟嘢会耐啲，明白我之前个客有提过我，食好野要等嘅，哈哈。
7点未到己full house, 见到真好多蚝，仲要因为weekday，好似星期一，三四🈶️比较多款做买一打送6只优惠，当日已经有16-7款，见到几只我食开的蚝一打送6只送完后平过出面一半，有我最钟意white pearl, 水中花，majestic, pinky, 全部都系名牌蚝，真系咁平？反正11个一人一打绝对无问题，就试晒佢哋嘅promotion, 8打送4打，揞住嘴话抵。我地有位蚝痴大肚婆问佢地有咩好嘢介绍，听佢介绍Irish Monster，chiron巨蚝，Shigoku 同Sydney rock, 最劲系佢哋有majestic Jumbo唔系好多地方有入珍宝，一定要试！结果我哋一至都好钟意平时好少食嘅Irish Monster, Shigoku, Chiron 好肥好甜但不够Irish Monster够海水味。white pearl 质素好顶级，个价真系平到你唔信。海胆一人一板个价钱系出边一半，个质素无得顶，唔怪之得佢地要收埋啲海胆，因为熟客全部己订好晒，好彩我来到即刻留起，活赤贝一定要叫，好新鲜，记得要问，因为佢地摆个牌系度无摆实物出来，即叫即开。tuna Ceviche（拖罗牛油果） 必试,原本唔识叫，见到隔离枱5个人订咗二份，即系好嘢就叫二份试吓，拖罗好新鲜，个汁最最好味！
跟住试熟食，先来黑毛猪䯃，成块6支骨焗上碟再切开一支支，好juicy 同松化，有橡果香一哋都无猪骚味，好有惊喜，平时什么慢煮都唔够佢好食，羊7成最好食，再来澳洲M7和牛，块和牛由佢地煎出来一啲都唔嘥，好味到想要碗白饭来捞汁，可惜试唔到传说中佢地嘅五星级烟肉白汁意粉!
成餐饭都好满意同满足，第一次食咁多蚝一啲都唔肉赤，最意外收获系平时食生蚝的地方，熟食绝不敢恭维，The Fat Oyster俾到嘅水准比好多扒房高级餐厅都高，我哋即场又约好下个月又聚啦！
张贴