柏麗廳

营业中

休息中

新年同屋企人食啲乜嘢好？今日就同屋企人去咗位于帝都酒店嘅柏丽厅 THE PALATE 。今次佢哋嘅主题就系可以品尝到三大和牛盛宴包括神户、松阪与山形和牛轮可以轮住咁任食啊。咁我梗系要讲返入正题先啦，和牛嘅菜式分别有五款，我最钟意嘅就系日本火焰特长和牛寿司，火焰烧完之后牛嘅油脂出晒嚟入口即溶超香。和牛汉堡亦都系非常出色，超厚切铺满咗芝士。另一方面和牛烧牛肉同埋铁板烧都系绝对唔可以错过，加咗香葱同埋蒜，非常惹味。最后仲有日本和牛风琴牛扒，款式真系多到食都食唔完，净系食和牛都已经够晒正。唔好以为剩系得牛肉出色佢哋仲有北海道白华豚寿喜烧，好嫩口嘅猪肉，味道浓郁。除此之外佢哋嘅冷盘都唔输蚀，生蚝龙虾蟹脚不停refill，堆到成座海鲜山咁高，真系令人大满足。最得意呢就系佢哋会有一个迷你酒吧仔，会调一啲果味嘅酒出嚟，除咗有冻饮之外仲会有热饮，养生嘅我当然要饮番杯桂圆红枣茶啦。甜品嚟讲佢地款式好多成个corner都系，而最令难忘嘅当然佢哋会画碟嘅心太软，师傅真系好劲咩公仔都画到出嚟，仲可以写上祝福语句大家睇到都非常开心可以用嚟打卡。