牛摩+ (上水廣場) (已結業)

最爱任食打边炉北区嘅任食打边炉选择少，呢间牛摩质素算系唔错，价钱合理，自助区火锅料/甜品/饮品选择都好多，而且限时打边炉最紧要上菜上得快，基本上下单后1分钟佢就拎到碟牛牛比我，值得一赞👍🏻今次食美国谷饲牛胸腹肉90分钟放题，一人一锅可以一次食到2个汤底。猪骨汤好可爱，系牛摩公仔既啫喱状，开炉望住佢慢慢融化成为汤又有啲于心不忍😂😂😂用猪骨汤尼渌牛肉同猪肉都好适合，个肉味会较为突出。不过我更加爱沙嗲汤，佢个沙嗲好浓厚，渌牛肉唔需要点豉油都好好食。牛胸腹颜色鲜艳，唔系雪到硬掘掘既雪藏肉，渌几秒已经食得，肉味浓厚唔会骚，肉质淋滑，好快就清哂一碟再encore猪肉片大大片，都系好快就熟，肉味够鲜甜👍🏻👍🏻最满意系佢出面自助区，蔬菜眼见都6-7种（出面好多任食火锅店只得唐生菜同娃娃菜），丸子又系好多选择，有啲我都未食过😂甜品方面，朋友今次创左新食法：先斟一杯热咖啡，再淋落朱古力软雪糕，自制Affogato😂总括而言$219食90分钟性价比系好高，食左8碟牛2碟猪嘅我觉得回左本有突🥰