影片
更多
2022-05-30
116 浏览
.📍Panda Leaf Indonesian Restaurant 班兰叶印尼餐厅📍 #馒头去铜锣湾 #馒头食印尼菜------------------------------1️⃣ 沙嗲拼盘8串 ($188)呢度嘅串烧全部都系即叫即烧，包括牛、鸡、羊同白鳝各2串，佢哋嘅沙嗲酱混合浓厚嘅花生🥜、香茅、南姜同参巴酱等香料，偏甜但都几惹味。小编最爱嘅系白鳝，烧到皮脆肉嫩😍，咬落去个皮带少少炭火香，鱼油慢慢咁渗出嚟💯，味道浓郁，鱼肉够厚同结实keep住个弹性，啲细条嘅鱼骨全部被清晒，食得好放心👍🏻，个人认为唔加酱仲好食。鸡肉似系用咗黄姜、黑果去腌制，嫩滑多汁😙，啖啖肉，炭火香相比白鳝就差啲，不过值得一试；羊肉同牛肉就比较普通，个人觉得可以唔嗌，羊肉有阵膻香，入口ok软嫩；牛肉肉质较硬🤔，原味唔算好突，不过唔系干身咬唔开。◾评分：8.6/10------------------------------2️⃣ 班兰鸡尖塔饭 ($68)鸡肉浸嘅时间啱啱好，口感嫩滑，带有少少咸味，鸡胸部位都唔会又干又鞋口💁🏻♀️，可惜鸡油香唔太重；沾酱嘅姜蓉带有斑兰嘅清甜，同鸡肉味道几夹；青绿色嘅斑斓饭卖相好靓🤩，饭似系
📍Panda Leaf Indonesian Restaurant 班兰叶印尼餐厅📍 #馒头去铜锣湾 #馒头食印尼菜
------------------------------
1️⃣ 沙嗲拼盘8串 ($188)
呢度嘅串烧全部都系即叫即烧，包括牛、鸡、羊同白鳝各2串，佢哋嘅沙嗲酱混合浓厚嘅花生🥜、香茅、南姜同参巴酱等香料，偏甜但都几惹味。小编最爱嘅系白鳝，烧到皮脆肉嫩😍，咬落去个皮带少少炭火香，鱼油慢慢咁渗出嚟💯，味道浓郁，鱼肉够厚同结实keep住个弹性，啲细条嘅鱼骨全部被清晒，食得好放心👍🏻，个人认为唔加酱仲好食。
鸡肉似系用咗黄姜、黑果去腌制，嫩滑多汁😙，啖啖肉，炭火香相比白鳝就差啲，不过值得一试；羊肉同牛肉就比较普通，个人觉得可以唔嗌，羊肉有阵膻香，入口ok软嫩；牛肉肉质较硬🤔，原味唔算好突，不过唔系干身咬唔开。
◾评分：8.6/10
------------------------------
2️⃣ 班兰鸡尖塔饭 ($68)
鸡肉浸嘅时间啱啱好，口感嫩滑，带有少少咸味，鸡胸部位都唔会又干又鞋口💁🏻♀️，可惜鸡油香唔太重；沾酱嘅姜蓉带有斑兰嘅清甜，同鸡肉味道几夹；青绿色嘅斑斓饭卖相好靓🤩，饭似系沾米沟糯米，口感较黏弹，烟韧得嚟又少少硬身，仲可以粒粒分明，味道似油饭，不过同时有阵斑斓同椰浆嘅清香😍，感觉较清新。仲有一碗萝卜汤，不过好咸。
◾评分：8.1/10
------------------------------
3️⃣ 原条鱼花胶汤粉皮 改烧鱼 ($88 +$10)
有别于传统印尼做法既卤水粉皮同炸花胶，汤底似系鲜鸡、响螺头、花胶、杞子、虫草花同海底椰熬制😳，完全无落味精，充满胶质，入口鲜甜滋润😌，少少黏稠浆口，仲带有椰香，感觉香浓丰富。花胶大块厚身，软稔适中，淋骨香滑 充满骨胶原，食落黏口，性价比极高，好似饮紧屋企煲嘅汤，感觉都几亲切❤️，几啱香港人口味，睇得出老板娘几有心思。粉皮雪白滑溜😋，唔会煮到碎晒，一片片层次分明有咬口，加埋花胶汤底系绝配。
鱼系非洲鲫鱼原条送上，非常大份🤦🏻♀，饱唔死你至奇；烧到恰到好处，表皮松脆，鱼皮烟靭，带些少烧汁烟薰香🤤，同时保留到入面嘅鱼肉鲜嫩多汁，质感软熟唔干冇死实。而高温烧烤令到鱼油锁紧喺鱼皮入面🥰，一切开鱼皮，鱼肉嘅鲜味慢慢溢出，完全唔会食到泥腥味，就连鱼头鱼骨都烧到脆卜卜，可以就咁食，特别系骨位鱼油特别香浓，同烧汁腌料非常之夹，系煎皮拆骨，增加胆固醇嘅必选😈。
◾评分：8.4/10
------------------------------
4️⃣ 鲜奶姜蜜 ($28)
南姜丝加椰奶，闻落有少少姜嘅香味，但系味道好甜，零姜辛味，非常普通，除非你想暖身，否则唔太建议试。
◾评分：6.5/10
------------------------------
5️⃣ 斑斓千层糕 ($7)
质感非常烟韧🤤，滑得嚟黏性十足，好香斑斓椰汁味，唔会系死甜，非常高质，My favourite。
◾评分：8.3/10
------------------------------
🔸整体评分：8.2/10
🔸小编回头率：7.5/10
整体嚟讲偏贵但食物质素唔错，串烧同鱼超有惊喜🤓，但鸡同花胶汤嘅味道就预料之内，不过不失。
张贴
