麺屋飛丸

营业中

休息中

平时最钟意就系食拉面,经常都会留意拉面舖头,今次喺元朗食咗一间拉面店无论味道同埋面嘅口感都做得非常好。面屋飞丸 地址系元朗教育路87号鸿发大厦地下,餐厅地方虽然唔大,但系空间感足够,望落去干净整洁,喺度食嘢感觉都几舒适。望下餐牌有四款主打拉面,另外汤底有三种选择。配料有好多选择,豚角叉烧,味玉,慢煮鸡胸,粟米笋,鸡肉丸,紫菜,竹笋,京葱丝。飞丸特盛拉面 108元,材料真系好丰富有叉烧,鸡胸,鸡肉丸,所有配料都有齐,睇到都好吸引,白色浓浓嘅汤,入口味道香浓,食得出无味精味。 最欣赏就系佢个拉面,食落去有啲咬口,烟烟靭靭唔似普通餐厅咬落去淋滋滋。豚角叉烧拉面 88元,叉烧切到又大又厚,食落去有咬劲,估唔到仲系好嫩滑,口感十分juicy,好钟意大大啖咬落去𠮶个嫩滑感觉。值得一赞蒲烧鳗鱼串 2串 44元,鳗鱼串烧到啱啱好,加上鳗鱼汁令到鳗鱼更加香口惹味。