陳春記

营业中

休息中

以前上环返工发掘到皇后街熟食市场大排档又平又好食，本人本身喜好猪杂，陈春记更系本人猪杂排行榜NO. 1。陈春记只卖招牌菜『猪红猪杂汤』，可以配饭、面、米。$31/ 细碗；$51/大碗，好抵食！不过老板娘出名服务态度麻麻，而且烹调需时二十分钟，食好野系要等！猪杂米 (走猪红) (细) $31落单等二十分钟后，猪杂米出现！先饮一啖汤，汤底天然奶白色，清甜唔系味精汤带点胡椒味，原来汤底都系同猪肉同猪骨熬制。猪杂包括：猪肺、猪肚、猪粉肠、猪红等，猪杂新鲜好鲜味而且洗得够干净，食落绝对唔会有怪味或者雪味。．西洋菜 $11西洋菜绿油油又甜又嫩，配上胡椒味汤底，连汤都可以饮埋！．Menu