三不館車仔麵 (廣福道)

营业中

休息中

呢间车仔面档主打一啲比较有特色嘅𩠌，系喺其他车仔面档食唔到嘅，所以间中都会嚟呢间车仔面当食个lunch。大埔分店嘅座位布置同以往嘅有啲唔同，令到座位更加阔落，食得更加舒服。除咗餐牌上面嘅𩠌有好多唔同嘅选择，而辣味都有两只唔同嘅俾大家可以自由选择。非常适合钟意食辣嘅朋友。虽然车仔面嘅价钱比一般车仔面档嘅稍为贵咗少少，但系车仔面都份量十足。当日叫咗猪手，猪手嘅size都比较大件，可惜当日嘅骨头比较大，肉量偏少。而另一个𩠌，就点了酸斋，酸斋索晒个汤汁，非常入味。汤底就拣咗金牌麻辣汁，主要系靠一啲麻辣酱令到个汤底有味。但整体嚟讲算系唔错。大家唔好唔记得加入枱面上面都有嘅辣菜脯，增加车仔面嘅味道之余亦都增加口感。最后饮品亦都有樽装汽水可以选择。