影片
更多
2022-10-24
901 浏览
真系N年冇食过自助餐喇！老婆大人话带我去食我一定like爆嘅自助餐，肯定喱晚我一定食得爽皮。原来佢带我嚟沙田凯悦酒店嘅咖啡厅，食全新即时烹调自助餐究竟有乜嘢咁老定话我实like爆？第一次嚟喱道发觉都几正，楼底劲高地方大攞嘢食唔使迫到死。嗱食自助餐有任饮真系特别受欢迎，喱道有冻冰冰嘅苹果伯爵茶任饮唔会好甜好过饮汽水多多声啦。老婆大人话我like爆嘅就系喱晚有三个时段嘅敲钟限定正菜，第一样系六点半嘅即切油甘鱼刺身配加州卷，油甘鱼刺身淋咗啲紫苏青酱味道都几特别。跟住到七点手推车放喺户外嘅门口前面，喱次系堂弄火炙芝士白汁焗龙虾，两大盘龙虾预备接受火焰嘅洗礼。师傅淋下白兰地后再放火打卡就趁手喇。喱只火炙芝士白汁焗龙虾样就very good喇唔知正唔正呢！哗食落去芝士面头好焦香，龙虾肉啱啱熟好爽甜仲鬼咁多膏，唔得掂要去排多转先。重头戏终于嚟喇七点半喺餐厅户外忽然烽烟四起，原来喺师传炭烧紧斧头扒同埋牛柳，𠮶种炭香真系引死人呀唔怪之得老婆大人话我一定like爆啦。师传会比三件正牛比排队嘅客人，两件系牛柳一件系斧头扒，配汁系香浓嘅黑松露烧汁，牛柳劲淋又嫩滑肉味超浓香，炭香味十足嘅斧头扒比较有赵口牛香超正
原来佢带我嚟沙田凯悦酒店嘅咖啡厅，食全新即时烹调自助餐究竟有乜嘢咁老定话我实like爆？
第一次嚟喱道发觉都几正，楼底劲高地方大攞嘢食唔使迫到死。
嗱食自助餐有任饮真系特别受欢迎，喱道有冻冰冰嘅苹果伯爵茶任饮唔会好甜好过饮汽水多多声啦。
老婆大人话我like爆嘅就系喱晚有三个时段嘅敲钟限定正菜，第一样系六点半嘅即切油甘鱼刺身配加州卷，油甘鱼刺身淋咗啲紫苏青酱味道都几特别。
跟住到七点手推车放喺户外嘅门口前面，喱次系堂弄火炙芝士白汁焗龙虾，两大盘龙虾预备接受火焰嘅洗礼。
师傅淋下白兰地后再放火打卡就趁手喇。
喱只火炙芝士白汁焗龙虾样就very good喇唔知正唔正呢！哗食落去芝士面头好焦香，龙虾肉啱啱熟好爽甜仲鬼咁多膏，唔得掂要去排多转先。
重头戏终于嚟喇七点半喺餐厅户外忽然烽烟四起，原来喺师传炭烧紧斧头扒同埋牛柳，𠮶种炭香真系引死人呀唔怪之得老婆大人话我一定like爆啦。
师传会比三件正牛比排队嘅客人，两件系牛柳一件系斧头扒，配汁系香浓嘅黑松露烧汁，牛柳劲淋又嫩滑肉味超浓香，炭香味十足嘅斧头扒比较有赵口牛香超正，所以我喱晚总共食八件咁多嘻嘻，不过以上三样敲钟限定正菜净系会喺星期五至日同埋公众假期及假期前夕嘅自助晚餐先有得食。
食完敲钟限定嘅好嘢之后就到食丰富自助餐嘅各样菜色。
喱道系前菜、日式、海鲜档口，都有好多嘢拣架一齐睇吓有咩嘢食啦。
首先有冻海鲜有长脚蟹、扇贝、鲜虾、螺肉同埋龙虾，钟意食几多都得过足海鲜瘾。
喱道摆咗好多款冻肉同埋芝士，最正系有我钟意食嘅杏脯肉，日本嘢有寿司、卷物同埋刺身，刺身都有唔少款架例如吞拿鱼、希灵鱼、甜虾、八爪鱼仲有帆立贝添。
至于健康嘅沙律档有好多新鲜嘅沙律菜，仲有橄榄、小米、三色椒、青瓜同埋南瓜喱啲配料。
唔想自己烦咪食厨师捞好嘅沙律啰！都有鲜虾沙律、羽衣甘蓝沙律、菠萝沙律、法边豆沙律、水牛芝士、雅枝竹同埋甜红椒，仲有凯撒沙律同烟三文鱼同埋即切嘅24个月的西班牙白毛猪火腿。
刺身最正系帆立贝软滑鲜甜，冻海鲜就钟意大虾胜在够新鲜爽口。
喱碟前菜系老婆大人嘅至爱，菠萝加白毛猪火腿食到佢舔舔脷，我就钟意食芝士同埋杏脯肉，全部可以任食真系太爽皮喇！
中菜档一字排开好壮观有劲多吸引嘅菜式，仲有啲自助餐少有嘅贵价菜添。
由广东烧味开始介绍啦，挂满咗切鸡、烧鸭、叉烧同埋红肠，望落去都好靓仔吓一阵要试试先。
跟住仲有青红萝卜玉米腰果煲赤肉老火汤，刈包配红烧肉、清蒸石斑、韭菜猪红、云吞面、蚝皇鲍鱼同埋花胶、香煎鸡球、洋葱牛仔骨、百花鱼肚、水煮牛肉仲有翡翠炒虾，真系劲多嘢㨂呀。
蚝皇鲍鱼花胶、百花鱼肚都系老婆大人嘅飞佛，佢紧系食得好happy啦！不过自助餐有鲍鱼花胶同埋鱼肚任食想回本真系易过借火。
烧味我哋要晒三味，师傅劲好人比咗切鸡同烧鸭脾我哋，两只都好食㖞，不过我就钟意入味唧脆皮烧鸭脾。
喱碟入面个红烧肉刈包真好鬼邪恶不过系好味嘅，另外条清蒸石斑系好嘢嚟蒸得嫩滑又有鱼香，钟意食鱼嘅朋友咪走宝呀。
食完中式梗系要食埋西式嘢啦，又系鬼咁多嘢㨂真系好坚。
有番茄汤、咖喱角、面包、烤猪髀、炒蘑菇、忌廉椰菜花、烩牛面肉、炒海鲜、焗盲曹鱼、焗薯仔、羊架、香肠，仲有香煎鸭肝配苹果蓉同埋龙虾汁牛油带子长通粉够照有特。
烤猪髀、羊架同香煎鸭肝都好有料到，建议大家留肚食番件。
至于平时对螺丝冇乜兴趣嘅我，觉得喱个即煮嘅龙虾汁牛油带子螺丝粉整得好味㖞。
最后紧系要食甜品啦，款式唔少仲有好多即叫即整嘅甜品添。
有热辣辣嘅番薯糖喱排凉凉哋就啱晒。
即制档位有班戟、窝夫、鲷鱼烧同埋黑森林雪糕杯，前面仲有好多样配料好似朱古力碎、杏仁片、花生酱、炼奶仲有朱古力酱，钟意点样配搭都可以自己揸主意。
第一次见喺自助餐罗汉果糖做嘅甜品，就算系血糖高又或者减紧肥人都可以开开心开食甜品。
然后喱啲就系正常嘅甜品，冬甩、法式千层酥、意大利芝士饼、草莓吉士挞同埋荔枝玫瑰乳酪蛋糕。
仲有焗杏脯焦糖牛油蛋糕、面包布丁、葡挞，同埋新鲜生果，雪糕都有八款口味咁多，有夏威夷果仁、牛奶、朱古力、抹茶、曲奇、云呢拿、焦糖脆饼、蓝莓同埋柠檬雪葩，雪糕迷就一开心到飞起。
班戟即叫即做即食，馅料自己㨂我哋就㨂咗香蕉朱古力，班戟皮好软熟加埋香蕉朱古力道味完美。
热辣辣嘅鲷鱼烧到手我衬柠檬雪葩好友就要曲奇，鲷鱼食落劲脆口加埋冻冰冰嘅雪葩，冰火两重天嘅口感好过瘾。
每人仲有一杯饮品我哋都㨂用永和蜂蜜冲嘅冻柠蜜，喺干燥嘅天气滋润一吓。
沙田凯悦酒店咖啡厅
电话：37237952
地址：沙田泽祥街18号沙田凯悦酒店大堂
张贴
