祥仔辣辣 (海運大廈) (已結業)

一早book定之前去旺角食过嘅祥仔辣辣🌶️🌶️一齐食我地最爱酸菜鱼!  店内装潢新派+古典风, 特多卡坐得舒适, 仲有大大个维港靓境欣赏! 店员推介二人套餐, 一共有两款前菜、四款招牌菜同甜品, 又丰富又抵食! 🌶️招牌祥仔酸菜鱼🐟店员介绍招牌酸菜鱼用左特选香料例如嘅迷迭香同花调制, 劲多劲滑白雪雪嘅鲈鱼，鱼肉新鲜嫩滑，味道清新，加入香味浓郁嘅酸菜汤汁同微辣味非常之夹，配料有大量酸菜，大豆芽，菇类，一碟招牌菜食出唔同层次感！赞！前菜： 🌶️酸辣红海蜇花🥒半透明嘅海蜇花, 香脆爽口, 食落唔会太硬, 配埋酸辣汁惹味又开胃! 🌶️招牌口水鸡🍗大量花生嘅招牌口水鸡, 味道香辣, 鸡肉软嫩冇雪味, 啖啖肉配埋汁惊喜地好味!小菜🌶️宫保虾仁🦐酸酸甜甜嘅汁配上爽口虾仁！太啱我口味！🌶️干锅福建椰菜花🥦平时钟意食干扁四季豆，椰菜花辣味恰到好处，炒至爽脆！估唔到咁好味！🌶️自家酸菜炒肉末配薄饼 带点烟韧嘅薄饼皮，包住满满嘅酸菜炒猪肉，肉粒分明香口，成个餐唯一真系唔辣嘅小菜都好好味！ 🍮酒酿桂花汤圆🥣跟餐嘅甜品系酒酿桂花汤圆，一上枱已经闻倒好香桂花味！仲有两粒系我最钟意嘅芝麻汤圆！好完美！