里木

营业中

休息中

难得今日同朋友嚟试吓最近好🔥嘅omakase 第一次嚟梗系试吓佢哋舖头最好𠮶个set【夏の海胆奢华体验】 不过讲返先，呢度气氛好好，台吧师傅又好专业，每一道菜都好用心准备，俾我哋嘅第一印象超级好 入面最推荐，同埋我食咁多道入面最钟意嘅系😘 🍣北海道北寄贝寿司 师傅将肉质烧得好靓，淡红色嘅北寄贝净系睇都觉得好有食欲。如果唔想食咁生都可以叫师傅煮熟啲。 🍣季节鱼寿司 呢道据讲每次嚟都可能食到唔同嘅鱼类寿司，我哋今次食到𠮶件好新鲜，完全冇腥味。我已经开始期待下次嚟可以食到啲咩唔同嘅鱼喇 🍣海胆配煮鲍鱼寿司 さすが系佢哋舖头最贵嘅set，寿司竟然有海胆同鲍鱼嘅配搭，两样最高级嘅食材一啖食落去真系好满足😋 🦪日本牡蛎 呢道最令我印象深刻嘅，竟然俾咗成罐鱼子酱我哋任食！一般嘅舖头都系俾一小羹喺只蚝上面，呢度系成罐俾你任食，啲蚝配埋鱼子酱真系正！ 🐚松叶蟹鸡汤配海胆 & 壳付原只海胆 两款唔同味嘅海胆，食得出唔同嘅口感。松叶蟹鸡汤𠮶款味道比较浓郁，原只海胆就食到最原始嘅味道。肉质都好嫩滑，海胆又处理得好干净🐚