一遊

营业中

休息中

八爪鱼醋物($48)，酸酸尾尾开胃前菜，八爪鱼色泽鲜艳，食落爽口有咬口，而且入味。三文鱼鱼松豆腐冻($42)，豆腐本身无味道，一般系配酱油一齐食，但店家采取用带有咸香既细小三文鱼丝配合豆腐，可以带出另一种新食法，豆腐非常滑，吸入口可以直落食道。刺身三点($280)，中拖罗、油甘鱼腩、赤贝，刺身厚切，肉质口感非常好，油甘鱼腩比我感觉系三款之中最顶级，油份高，入口软绵绵。烧羊扒($68)，烧得唔错，羊扒食落仍然有肉汁，而且膻味浓郁，腌制既香料好香口惹味。烧鸡皮虾($78)，店家创意出品，将大虾既虾壳剥左，然后再用已经去除左脂肪既鸡皮包身虾身，再去烧，令到虾肉结实，鸡皮脆卜卜。海胆蟹肉牛油果卷($180)，卷物有蟹肉丝，岩晒钟意食蟹但又怕剥壳既我，海胆色泽吸引，无苦涩涩味，卷物内里包住既系牛蒡，结实爽口可令口感层次更丰富。