影片
更多
2023-09-21
402 浏览
平时见到要排队已经却步，咁岩三点行过唔洗排队又未食早餐，见到冇挂落场牌，唔洗谂，即刻入去。一坐低低谂都唔谂就叫左牛舌芯+套餐白饭升级（白饭改做牛舌温泉蛋丼）等左大约五分钟就上菜前菜（杂菜沙律）、配菜（姜+淡味既吉列猪扒酱）、腌制辣椒、汤、丼饭同主角（铁板牛舌芯）摆满成个托盘，好劲既视觉冲击。我系食沙律先既，味道几清新，唔似其他餐厅，一系用柚子酱，一系得个酸味嘅黑醋或者胡麻酱，我食唔出系咩酱汁，但酸得黎几开胃，唯一要弹既系啲菜隔夜切定有啲黑边（可接受范围）由于个人唔太钟意刀叉同筷子换黎换去咁用，所以我系将所有牛舌切粒先，由于佢有洋葱垫底，所以唔怕会焦，但又可以保持到温度，我认为佢同出面其他铺有啲唔同系佢应该系煎完牛舌拎起跟住轻轻爆一爆啲洋葱，洋葱黐住煎牛舌啲调味料同牛油味，而唔系放洋葱垫底。佢啲洋葱系预你食埋既。就咁食牛舌既牛舌好浓，带小小焦香，如果觉得油腻可以点酱，淡味吉列猪扒酱可以减轻油腻感但唔会盖过牛舌既风味，可以慢慢享受。食左一半牛舌系时侯到牛舌粒温泉蛋丼，成个饭面铺满牛舌粒，应该系用起牛舌芯既边位牛舌肉做的，牛舌肉粒用酱油煮到好淋好入味，有啲似台式肉燥饭既牛舌版，因为装得好满，
一坐低低谂都唔谂就叫左牛舌芯+套餐白饭升级（白饭改做牛舌温泉蛋丼）等左大约五分钟就上菜
前菜（杂菜沙律）、配菜（姜+淡味既吉列猪扒酱）、腌制辣椒、汤、丼饭同主角（铁板牛舌芯）摆满成个托盘，好劲既视觉冲击。
我系食沙律先既，味道几清新，唔似其他餐厅，一系用柚子酱，一系得个酸味嘅黑醋或者胡麻酱，我食唔出系咩酱汁，但酸得黎几开胃，唯一要弹既系啲菜隔夜切定有啲黑边（可接受范围）
由于个人唔太钟意刀叉同筷子换黎换去咁用，所以我系将所有牛舌切粒先，由于佢有洋葱垫底，所以唔怕会焦，但又可以保持到温度，我认为佢同出面其他铺有啲唔同系佢应该系煎完牛舌拎起跟住轻轻爆一爆啲洋葱，洋葱黐住煎牛舌啲调味料同牛油味，而唔系放洋葱垫底。佢啲洋葱系预你食埋既。
就咁食牛舌既牛舌好浓，带小小焦香，如果觉得油腻可以点酱，淡味吉列猪扒酱可以减轻油腻感但唔会盖过牛舌既风味，可以慢慢享受。
食左一半牛舌系时侯到牛舌粒温泉蛋丼，成个饭面铺满牛舌粒，应该系用起牛舌芯既边位牛舌肉做的，牛舌肉粒用酱油煮到好淋好入味，有啲似台式肉燥饭既牛舌版，因为装得好满，根本落唔到只蛋，所以我系食左一半饭同牛舌粒先落温泉蛋。
我将温泉蛋同牛舌粒同饭混合，食落蛋味唔算浓，但胜在冇蛋腥，我估应该系用新纪元蛋做既（因为冇乜蛋味同蛋腥味系佢既特点）。整体不错
最后食埋另一条牛舌，仲系暖既，因为都差唔多饱，洋葱只系食左一半。
最后饮埋碗汤，汤佢一啲都唔马夫，饮到小小鲣鱼味同洋葱既甜味，仲有啲牛舌粒，味噌汤黎讲算浓味。
成个餐黎讲食完超满足，如果跟餐可以跟杯冻麦茶收尾，清一清口果阵牛舌味就完美。可惜佢地冇水吧，只能跟罐装汽水，可以理解既，铺既空间有限🙂
牛舌芯套餐白饭升级
$176
43 浏览
0 赞好
0 留言
张贴
