影片
更多
2024-07-18
5807 浏览
依家参加婚宴都唔一定晌夜晚去饮酒，都多咗好多晌中午举行，旧年就去过「迪士尼」参加婚宴， 中式嘅，今次就嚟到将军澳「九龙东皇冠假日酒店」，不过，就食西餐，地点晌为位处47楼顶楼嘅「星幕」。始终餐厅位处顶层，望出去睇到将军澳大部分景观，更有少少海景，非常开扬，而餐厅装修优雅，楼底高，加上今日包场，宾客大概60、70人左右，所以，坐得比较宽敞舒适。其实外面仲有个露天平台，平时就摆啲高脚枱櫈俾人客饮下嘢，吹吓风，睇唔睇到星就唔知，但今日就布置成证婚场地，但呢个部分就唔方便影相俾大家睇喇。早两年就因为staycation试过酒店楼下嘅自助早餐同午餐，感觉几唔错，唔知星幕嘅质素喺点？晌门口有啲单张攞，佢主打喺半自助午餐同晚餐，以及英式下午茶套餐，不过，今次婚宴嘅安排就简简单单，4道菜嘅西式套餐。题外话，主菜有3款，主人家事前就已经问晒宾客拣边款主菜，小弟拣食牛，仲会问埋要几成熟，所以，枱上嘅名牌右上角就有只牛仔标志。餐厅对主人家有咁嘅要求，相信事先安排好以便出菜嘅运作。如果宾客多嘅，逐个逐个问，真喺有排都搞唔完，所以，我觉得呢个安排都算几好，但有一点我都好奇，就喺如果个客临时想改变主意，唔知得唔得
始终餐厅位处顶层，望出去睇到将军澳大部分景观，更有少少海景，非常开扬，而餐厅装修优雅，楼底高，加上今日包场，宾客大概60、70人左右，所以，坐得比较宽敞舒适。其实外面仲有个露天平台，平时就摆啲高脚枱櫈俾人客饮下嘢，吹吓风，睇唔睇到星就唔知，但今日就布置成证婚场地，但呢个部分就唔方便影相俾大家睇喇。
早两年就因为staycation试过酒店楼下嘅自助早餐同午餐，感觉几唔错，唔知星幕嘅质素喺点？晌门口有啲单张攞，佢主打喺半自助午餐同晚餐，以及英式下午茶套餐，不过，今次婚宴嘅安排就简简单单，4道菜嘅西式套餐。
题外话，主菜有3款，主人家事前就已经问晒宾客拣边款主菜，小弟拣食牛，仲会问埋要几成熟，所以，枱上嘅名牌右上角就有只牛仔标志。餐厅对主人家有咁嘅要求，相信事先安排好以便出菜嘅运作。如果宾客多嘅，逐个逐个问，真喺有排都搞唔完，所以，我觉得呢个安排都算几好，但有一点我都好奇，就喺如果个客临时想改变主意，唔知得唔得呢！？
柚子汁腌吞拿鱼配牛油果、山葵沙律酱呢个头盘好搞笑，同枱有朋友以为就咁俾个牛油果出嚟，其实喺刮空个牛油果打成蓉，再酿返落去，不过，表面就加咗黑鱼籽、刁草同埋食用花做装饰，再冰镇住，卖相非常别致，睇见都凉快。一羹刮到底，下面就喺新鲜嘅吞拿鱼刺身，再用啲柚子汁调味过，所以，食落清爽、清香，牛油果蓉口感非常之柔滑，虽然话配咗山葵沙律酱，但个人嚟讲，就唔喺话太食得出。
松露野菌汤餐汤最紧要够热，冻咗就唔好饮，呢一点眼前嘅野菌汤就交足功课，而且，菌味非常之浓郁，更有阵阵黑松露香气，而口感非常之顺滑，配上小麦餐包，喺非常之好嘅配搭。
美国肉眼扒配香辣薯条、本菇、红酒汁件肉眼扒都几大件，而且，烧得几靓仔，有啲炭火坑纹，卖相吸引。一早已经拣定五成熟，落刀都觉得肉质都好软腍，切开睇睇，色泽粉嫩，烧得啱啱好，唔会有血水渗出，食落好有肉香，又充满肉汁，沾上少少芥辣，令肉味更突出。虽然话伴香辣薯条，其实，只喺普通炸薯条，无乜香辣味道，但另外除咗本菇，就仲伴有啲车厘茄、芦笋仔，算喺一道几丰富嘅主菜。
芒果千层酥配云呢拿雪糕随著上甜品嘅时间，仲会送上咖啡或茶。单讲卖相就肯定喺普通咗啲，因为只喺一件千层酥加球雪糕，无乜再有啲特别装饰。而件千层酥本身就几好食，除咗酥脆之外，好有牛油香，又加咗唔少富蛋香嘅吉士，芒果亦都好清甜，至于球雪糕香兼好重奶味。
是次婚宴主人家无搞太多礼仪嘢，只喺有个敬酒，加个嘉宾嘅献唱环节，大家都可以轻轻松松咁用餐，围内一台嘅悠闲咁倾下偈，感觉几唔错，小弟就几钟意呢一类西式婚宴，精简，无太多程序。
张贴
