影片
更多
2018-12-01
377 浏览
为左满足我想饮酸尾尾既野，男朋友提议食泰国菜，真知我心。系路德围果到见另一间排晒队而呢间门口又大大只字写住全单七折，我地谂都唔洗谂即刻向接待姐姐示意两位。餐厅系楼上铺，行几级楼梯就到。入面好阔落，啲台全部都大大张，岩一班人黎食，而我地就坐左卡位。每次食泰国野基本上都唔洗点睇餐牌，因为我地目标好明确，叫黎叫去都果几样椰汁鸡汤 - 细 （$88）呢个汤叫Tom （汤）Kha（南姜）Kai（鸡），其实同冬荫功汤差不多，都系酸酸地，不过冬荫功会用辣椒膏同埋虾，所以汤底较红，而Tom Kha Kai就用椰青水、椰奶同鸡。因为我唔太食海鲜，同埋我钟意椰味重既野，所以通常都系叫呢只多过冬荫功。今次呢个汤系细size，足够斟到4碗。因为一路滚住，好够热。味道就偏酸，椰奶既味唔系太觉，秀珍菇同啲鸡都几多，加埋啲香茅吊下味，话咁快就饮晒，仲愈饮愈开胃添。泰式大虾金边粉（$88）当我谂住将啲花生捞落面到果时，发现啲面碎湿湿，碎到连用叉不起都跌返晒落只碟到，未食已经系到complain😂心谂点食呀实好淋啦，仲要咁大碟。丫点知食落又唔系咁woo，个粉仲系好弹牙，配埋芽菜、豆腐干，有多重口感。味道都适中，唔会太酸
餐厅系楼上铺，行几级楼梯就到。入面好阔落，啲台全部都大大张，岩一班人黎食，而我地就坐左卡位。
每次食泰国野基本上都唔洗点睇餐牌，因为我地目标好明确，叫黎叫去都果几样
椰汁鸡汤 - 细 （$88）
呢个汤叫Tom （汤）Kha（南姜）Kai（鸡），其实同冬荫功汤差不多，都系酸酸地，不过冬荫功会用辣椒膏同埋虾，所以汤底较红，而Tom Kha Kai就用椰青水、椰奶同鸡。因为我唔太食海鲜，同埋我钟意椰味重既野，所以通常都系叫呢只多过冬荫功。
今次呢个汤系细size，足够斟到4碗。因为一路滚住，好够热。味道就偏酸，椰奶既味唔系太觉，秀珍菇同啲鸡都几多，加埋啲香茅吊下味，话咁快就饮晒，仲愈饮愈开胃添。
泰式大虾金边粉（$88）
当我谂住将啲花生捞落面到果时，发现啲面碎湿湿，碎到连用叉不起都跌返晒落只碟到，未食已经系到complain😂心谂点食呀实好淋啦，仲要咁大碟。丫点知食落又唔系咁woo，个粉仲系好弹牙，配埋芽菜、豆腐干，有多重口感。味道都适中，唔会太酸，有啲葱呀鸡蛋呢啲配料一齐炒，连埋花生碎，好香口。又系开胃菜黎！不过虾就唔洗抱期望，都系咁啦。
黄咖哩牛肉（$88）
睇个样已经好失望喇，好似快餐店果啲ABC餐咁，又细兜。可能好似金边粉咁食落又好味呢...第一啖食青椒，好有大排档既味道，第二啖夹左旧牛肉，切得好细块好碎，食落好有咬口，几un下，薯仔有几旧，冇咩特别啦唔洗讲。精髓来了，就系个汁，用黎捞个苏饼，个汁都衰埋，好淡好淡，系得小小咸味同椰味，咖哩味又唔系好食得出....呢碟麻麻地。
香油苏饼（$36）
明明餐牌写住4块，点睇都系得3块。我地叫左侍应黎问佢系咪漏左，佢解释话之前系4块，因为将1块分为2，宜家3块系比之前多。其实我理得你之前系点切，宜家眼睇就系3，根本就误导食客...当然到最后佢都冇补返块俾我地啦，好唔忿气！我叫个经理改返个餐牌...冇可能咁样同个食客讲！
块苏饼系饮紧汤既时候已经黎左，可能摊左一阵，啲油琼晒系到，同埋唔再脆，晒左添。
Total叫左4样野$24x，都真系几抵食，过下口瘾呢间系选择之一，不过如果要食质素的话，就唔洗选择佢喇。
张贴
