金興小廚

营业中

休息中

今日屋企人冇煮饭，同左佢地出去屋企附近食晚餐😼入到去老细送左人头例汤，好热情咁介绍有咩好食👍🏻例汤清甜入味，老细坚称冇落味精，有几旧煮到好淋的木瓜，系家常味道😋叫左椒盐鲜鱿（$98）上到嚟比佢个样吓亲，胀卜卜嘅皮够脆，但鱿鱼本人唔太新鲜冇乜味😢咕噜肉（$98）好多配菜，酸酸甜甜好够味，肉嘅脆皮点晒酱都仲够脆，好食推介✨蒜蓉炒白菜仔（$58）呢个价钱嚟讲有啲失望，比起坊间同价钱嘅细份，虽然有粒粒蒜蓉喺面，但冇味到以为系白烚😢椰汁栗子鸡煲（$108）好香椰奶味，但栗子炆得唔够淋，鸡够滑嫩，正常发挥👍🏻有惊有喜的一餐，但人情味好够，下次想食围饭可能都会再食😼