AnyMomentCafé

营业中

休息中

呢间cafe有得玩board game又有野食，超正。因为座位唔多，记得记得要先电话预约！老板好 nice，同啲客人都有讲有笑，够哂warm。我嗌咗佢嘅卡邦尼烟三文鱼意粉，友人钟意鸭胸就嗌咗拿破仑肉酱烟鸭胸螺丝粉。估唔到味道又几出色，烟三文鱼大大块，意粉软硬度煮得刚刚好，配上卡邦尼酱汁，味道浓郁。友人嘅鸭胸亦相当唔错，鸭胸够淋，配上好浓嘅蕃茄味，味道丰富。有几声咳，所以嗌咗杯鲜柠檬蜂蜜，非常清新可口，酸甜适中，仲要用上蜂蜜，润喉又解渴。而瑞士鸡翼亦非常美味，鸡翼多汁，肉质鲜嫩，配上特制嘅瑞士汁，令味道更加出色。除咗食物之外，呢间board game cafe提供各式各样嘅游戏，可以同朋友一齐轻轻松松玩一晚。无论系喜欢咩类型嘅 board game，呢度都一定有合适嘅选择。