尚夢・茳煳 (已結業)

下午同同事系湾仔见客后, 顺便系附近食埋Dinner先返去。记得上年疫症高峰期禁咗晚市堂食期间, 去过湾仔呢间尚梦外卖过”牛颊肉”食, 好食得令我记起呢间餐厅, 趁住宜家有晚市堂食, 可尝试一下其他家常小菜!餐厅面积不大, 沿著吧台经过, 入面有三张卡位。卡位坐得舒服。热茶有小火兴住, 叫咗两个家常小菜食。花胶海参虾米浓汤杂菜煲: 热辣辣上台, 汤底清清地, 垫底有大量索尽汤汁好林嘅西兰花、菜心茎、生菜片、小棠菜, 全部菜样样都有d, 而且都系好林, 老人家冇牙都食到。海味布哂系面, 有两件手指般size开边海参仔、虾米, 同埋有如猪皮口感弹牙嘅花胶。石榴果干糖醋咕噜肉:每件咕噜肉都冇骨, 啖啖肉, 肉质有弹性, 每件表面平均沾上甜甜嘅汁酱。叫咗个饭, 饭质好挺身而且偏干, 自行加咗杂菜煲汤汁捞埋食, 较好一点。