影片
更多
2017-10-16
228 浏览
以往都食过新斗记好几次，之前都系去开佐敦店，一向都觉得佢地嘅乳猪好食，其他小炒亦都有保证，基本上冇失望。周日约左朋友食饭，亦都选定新斗记，事缘佢即将离职，我地约佢食个饭，由于佢住喺港岛区，所以我地都选择喺铜锣湾嘅分店用膳。铜锣湾店位于智选假日酒店，平时都好少喺时代广场出口出，想唔到呢个出口距离地面咁远，都行到我一身汗，而且是日落住微雨兼刮风，有多少狼狈相。环境方面，呢间分店都几阔落，一般酒楼格局，干净企理。餐牌供应多款小炒，招牌乳猪、烧鹅等烧味，小食、鲍参官燕、汤羹、海鲜、小炒、粉面饭类，定价中上。晚市供应不少优惠孖宝，半席/一席菜式。本来一大班人，但有朋友临时有事，所以我地只系点左几款小炒，大部分都系「厨师推介」，味道整体依然有水准，我地同朋友都很满意即烧乳猪 $188记得喺度食过即烧乳猪都系七百蚊唔洗，真系好好食架，今次人少，只可以点到细份量。猪皮烧得脆口，而且中间嘅肥膏已经起左，猪肉嫩滑，又有肉地，如果钟意偏肥嘅乳猪就未必钟意喇，但我钟意瘦瘦地唔太肥的原本仲想试下煎大海虾，见$48只，价钱都ok，不过当日未有供应，比较可惜；咁系，世事哪有咁完美，就系留有少少遗憾，先教人印象深刻，
环境方面，呢间分店都几阔落，一般酒楼格局，干净企理。餐牌供应多款小炒，招牌乳猪、烧鹅等烧味，小食、鲍参官燕、汤羹、海鲜、小炒、粉面饭类，定价中上。晚市供应不少优惠孖宝，半席/一席菜式。本来一大班人，但有朋友临时有事，所以我地只系点左几款小炒，大部分都系「厨师推介」，味道整体依然有水准，我地同朋友都很满意
即烧乳猪 $188
记得喺度食过即烧乳猪都系七百蚊唔洗，真系好好食架，今次人少，只可以点到细份量。
猪皮烧得脆口，而且中间嘅肥膏已经起左，猪肉嫩滑，又有肉地，如果钟意偏肥嘅乳猪就未必钟意喇，但我钟意瘦瘦地唔太肥的
原本仲想试下煎大海虾，见$48只，价钱都ok，不过当日未有供应，比较可惜；咁系，世事哪有咁完美，就系留有少少遗憾，先教人印象深刻，希望友人去到新公司工作愉快
是日老火汤 $128 - 菜干猪肺汤
按照过往惯例，一向少汤水嘅我地都点左份老火汤，是日系菜干猪肺汤，十分足料。
汤底滋润，味道浓郁，完全无味精感，调味适中，实在系最近几次中餐经验中，质素比较好的。
猪肺嘅份量都好多，汤渣都唔好浪费，沾上少少豉油，我地都一件不漏。
一煲大概分到六碗，新鲜热辣，我地仲笑言，好在有朋友失约呢。
姜葱覇皇鸡 $178/半只
记得上次黎我地点左贵妃鸡，都有惊艳到，味道唔错啊，又够肥美。今次就试左姜葱鸡，都一样好食，点半只送饭
鸡件好有肉地，食落啖啖肉，鸡皮唔会太肥腻，豉油就唔系太多，如果姜葱可以炒过更加正。
啫啫生菜煲 $78
本来想点啫什菜，不过口快快嗡错左啫生菜。店员喺面前即场炒，都几惹味，但份量唔多就真的。
粟米大鱼块 $158
粟米鱼块都算系招牌菜，好多人都会点的，我地都唔例外。
虽然唔系咩复杂嘅做法，但确系做得几好食，用上普通粟米汤底做成羹，同鱼块系分开上，以免鱼块会被汤羹浸淋。
一份有8件鱼块，沾粉炸起，唔会太厚，食落虽然唔系好脆，不过鱼肉滑溜无骨，又够大块，食嘅时候先沾上粟米羹，好美味，而且我仲钟意用个羹黎送饭，轻松食完一碗，大人小朋友都会喜欢的
椒盐鲜鱿 $118
鲜鱿嘅卖相本来觉得一般，仲担心会不对味，不过我担心黎都多余，因为都几好食啊。
虽然份量唔算好多，但炸粉唔厚，鲜鱿烟烟韧韧，只系略嫌唔够香脆，争咁啲锅气。
生炒上肉排 $98
生炸肉排又系佢地另一款招牌，味道一流
因为用上上肉排，食落唔会肥淋淋。而且炸粉薄薄一层，唔会发到好大旧，反而系细细粒，外皮香脆，里面软淋淋，推荐之选。
白饭 $12/碗、汽水 $15/樽装
总括黎讲，小菜黎计，新斗记都相当有保证，特别系钟情佢地嘅乳猪，其他小菜亦都好食，虽然份量唔多，但人年纪大左，食饭都系贵精不贵多，宁愿食多几款好食嘅好过。呢度环境都可以啊，可能落住大雨，人流唔算好多，都系街坊为主；服务方面亦都唔错㖞，个个都好有礼
张贴
