阿荔車仔麵

营业中

休息中

晚上冇堂食嘅日子有时都会帮衬下外卖支持下艰难嘅餐饮业，特别系小店，今晚拣咗呢间新开嘅新派港式车仔面，餐厅除咗车仔面之外仲有便当、喇沙、捞面等唔同嘅选择，可以照顾到唔同客人嘅口味。🥘生炸猪颈肉马来喇沙 （$52）拣呢个喇沙系因为见到生炸猪颈肉有👍🏻同埋系车仔面冇得拣嘅菜式，外卖自动会帮你分汤非常好，唔会浸到啲猪颈肉淋晒，猪颈肉大大件外卖一样咁酥脆，喇沙汤底惹味渗出阵阵椰香味，唔油腻易入口。🍲自选车仔面 每次拣车仔面都会好贪心想叫好多个𩠌，见到南乳猪手同秘制牛腩（$15@）系呢间餐厅嘅招牌菜决定试晒，再叫埋有👍🏻嘅沙嗲辣鱿鱼（$13）同喺车仔面店好少会有嘅潮州名物：炸虾枣（$11），面底拣咗米线（$13），米线质地Q弹有水准，南乳猪手同牛腩都炆得好淋好惹味，果然系招牌菜，沙嗲鱿鱼弹牙入味，炸虾枣真材实料，钟意佢外脆内软嘅独特口感，（+$6)试埋🌶重庆酸辣汤底，酸酸辣辣好开胃，食得辣嘅一定要加埋火辣辣菜脯，自家制果然系正！钟意呢间车仔面嘅汤底同款式够创新，可以有好多款唔同嘅配搭。💁🏻‍♀️餐厅仲喺呢段期间推出左3个抗疫套餐，送埋油菜同饮品，每款$5x，性价比高！大家买外卖时记得支持下小店！