森記粉麵家

营业中

休息中

行过饿饿地，见都算多人，谂住无死，即管试吓啦，入去坐低张枱同餐牌都已经唔太干净，心谂算啦面档系咁上下架啦，跟住嗌阿姐落单，叫咗3次先应，唔知听唔到定点，阿姐终于都同我落单，叫咗碗牛腩米，1罐可乐，好快碗粉就嚟到，食咗2啖，哗！顶呀！有硬嘢嘅，吐出嚟，顶你个肺钢丝刷嚟嘅，我叫阿姐过嚟望吓，佢即刻话换过碗，𠮶刻都已经唔想再食，好快就嚟咗第二碗，我先食啲牛腩先，唔香唔好味，极为一般，食一啖啲米粉，再撩一撩起啲米粉，顶！又系有钢丝刷，其实有无换过架？算喇，唔想再食，起身埋单走人，我叫阿姐望下，又系有钢丝刷，阿姐即刻叫老板娘唔好收碗粉嘅钱，净系收可乐好喇，老板娘无出声，一于少理照收我$42（即系收我碗粉嘅钱，请我饮可乐），我明嘅，做生意嘛，2碗牛腩粉成本都起码$30，所以我都无出声，找完钱走人，不过下次请都唔会嚟，唔系好味又唔干净！