宏富雲南米線

营业中

休息中

好多间话好食嘅唔好食，唔掂嘅其实又唔算好差 LOL 呢间啲人话系好食过谭仔，虽然我唔系谭仔粉，但刚好已试咗同站(调景岭)嘅谭仔三哥同谭仔云南同一款米线：腩肉腐皮酸辣米线，就试埋呢间！价钱环境唔多讲，只想试味道。攞到嚟见到汤底清成咁已觉不对路，第一啖就饮咗啖汤底，微酸微辣，冇乜大陆风味；腩肉应该系全碗做得最好嘅部分，几大块又新鲜又唔硬；腐皮同米线煮得硬度适中(上次三哥出奇地煮到硬得很！)；酸辣汤底…靠嘅系酸菜，点知食落口… 不单唔系三哥𠮶只普通酸菜(因为谭仔云南先有老坛酸菜风味)，而且仲系街市一般卖𠮶只所谓「酸」菜，系甜架！！成碗粉变咗甜辣米线 =_= 完全唔系𠮶回事，极其量系似茶餐厅客串做嘅米线！唔好同我讲要大陆风味返大陆食，因为呢间系自称「云南」米线的。