Applegreen (已結業)

本想0系尖沙咀食西餐, 睇过食评之后决定订位, 点知要九点半先有位, 所以最终放弃, 谂住到时再周睇围吓食乜, 点知行匀成个尖沙咀同成个钟都揾唔到一间似样0既西餐厅, 有0既话, 我个friend又话食过麻麻地, 点知最后成九点几走去呢间餐厅搏吓有冇位. 成九点半, 间餐厅仲好full, 不过好彩仲有两个位.....餐厅唔系好大, 不过好整洁. 座位好密, 加上好嘈, 所以坐得唔系好舒服. 到点菜啦! Menu选择都算多, 有好多沙律, 啱哂on diet0既女仔. 最后拣0左鲈鱼沙律同芝士什菌鸡胸. 沙律份量唔算大, 配有橙肉酸酸0地几好味, 不过菜多少少就好啦! 另外芝士什菌鸡胸个份量就好震撼, 只碟好大, 薯蓉好多, 味道浓郁, 鸡胸唔"嚡", 不过有0的"溜", 扒什菜油多了一点点, 所以都食唔哂. 最后甜品拣0左Creme Brulee, 蛋好滑, 不过焦糖硬及㶶了一点点.总体来说都不错, 服务亦很好, 我会再来试试其他菜式, 如果有特式面包提供, 我谂会令呢餐生色不少.