古今二 (荃新天地)

营业中

休息中

喺荃新天地睇完戏，发现依家都冇乜好多餐厅会开到夜，发现咗呢度都有间古今二，都好耐冇食了。龙卷风沙律酸酸甜甜，有少少薯片薄脆片，配搭青瓜，蟹柳、蟹籽、沙律菜，喺食寿司前开下胃口唔错。纯粹因为真系有啲夜，想叫啲嘢嚟顶住肚先就最啱。烟花辣味三文鱼、辣味吞拿鱼、芝士一摆入口即刻溶化超正，特别喜欢呢一种鱼蓉状态嘅卷物，所以食落去口感好丰富亦都好满足。蜘蛛炸软壳蟹、蟹柳、牛油果、青瓜，超级足料嘅卷，各样材料都好配合，完全feel到系刚刚炸好就卷出嚟。鹿儿岛豚肉芦笋芦笋超好食，佢啲BB芦笋唔会好老超嫩，豚肉都系燃烧为主，配搭上好夹岩盐烧虎虾超大只，果然盐烧虾真系唔可以用手搣，精髓就系用口咬开啲壳，食到𠮶浸盐味。