神輿日本料理 (已結業)

曾经有一段日子经常食放题，胜在唔洗谂又个个都岩食，人大左就反而唔想食咁多。 今次旺角行完街想食日本野，久违地随意入左附近一间放题。 一坐低已经俾台上厚厚既点餐纸吓亲，足足有成只手咁高，可算系我见过最多点餐纸既放题。 食物种类都几多，起码有十个类别，包括刺身、寿司、卷物、小食、炸物、锅物、炉端烧、一品料理、主食、饮品同甜品等，净系搣纸都搣到手软。 店员会另外俾一张海胆军舰同海胆手卷既点餐纸，即时叫左几件。 紫菜仲好脆，睇得出系即制，海胆新鲜唔会腥，值得一赞系旧饭够细，食完都唔会太饱。刺身难得地有北寄贝、带子同马刀贝等少见既选项。 见其他食评话野食黎得好慢，所以急急脚狂落单，但等左一阵就有得食喇㖞。三文鱼超级肥美，带子够新鲜大粒，马刀贝亦比一般食到既爽脆大块，全部食材都好新鲜，属水准以上。 感觉到师傅选材唔马虎，因为第度有时会食到鞋口劣质既蟹柳话系蟹脚，但呢度用既系滑嫩既大蟹棒。小食虽然放题叫冷盘系好傻猪，但钟意食真系控制唔到。 居然好有惊喜，芝麻八爪鱼同味付螺肉都好巨型，特别系螺肉好似一蚊银咁大，亦好够冻，好有冲动encore。炸物海虾天妇罗炸粉唔太厚，仲食到爽口既虾肉。 作为秋葵爱好者