蝦麵店 (海光街) (已搬遷) 新店位置

今晚收工揸车路过太古坊，谂起之前有间食喇沙店好早关门，就去拜访下。餐牌食品款式唔多，只有三款喇沙汤底加鱼丸贡丸鱼片水尤等配菜，另有油菜炸鱼皮等。两公婆好简单点左鱼丸鱼片掺掺及贡丸鱼片掺掺加豆卜，都系咖喱喇沙汤底，另要一份炸鱼皮。喇沙汤入口虾味浓厚，加上淡淡咖喱味，配上鱼丸鱼片，再一口索满浓厚汤汁既豆卜(所以要加豆卜)，就系家乡风味十足既喇沙(本人家乡系马来亚)，难怪此店只专心做喇沙，满足了。此外炸鱼片都有惊喜，脆脆鱼皮沾喇沙汤，另有一番风味，家乡冇既。