古琴雅苑 (QRE Plaza)

营业中

休息中

同男朋友好耐冇食过中菜，所以心思思想黎食北京填鸭。黎到都几肚饿所以就叫咗个二人餐。一开始就上咗个宋嫂鱼羹，味道酸咸几开胃，但可惜鱼有雪藏味之后就嚟咗松花皮蛋豆腐同埋醉鸡。呢两个我觉得系最好食嘅。皮蛋豆腐唔会过咸，醉鸡入味得黎，唔会浓到觉得苦。之后就嚟到主菜之一嘅北京填鸭。见到我就心谂点解啲肉咁厚同我平时食嘅片皮鸭有出入。之后见到啲饼皮更加之SAD，DRY到冇朋友。不过我哋都系为咗过下口瘾。之后嘅鸡汤津白，比想像中清淡，似系普通烚菜。鸡汤冇鸡味，金华火腿冇金华火腿嘅味。其实仲有个鸭肉炒饭，不过我唔记得影相，反而炒饭炒得几好食，粒粒分明。小插曲：不过上炒饭之前佢俾咗个炒年糕我，我心谂我几时叫过炒年糕啊？原来系伙计落错单。另外店舖嘅卫生都有待改善。见到d waiter一手揸落我饮过嘅茶杯边到，佢又冇戴手套㖞🤷🏻‍♀️大佬，呢啲时期搞啲咁嘅嘢。