味之時計台 (已結業)

㖊晚试左呢间喺旺角新开嘅拉面店(味の时计台)本店系开喺北海道札幌，我点左个特浓虾盐拉面，汤底虾味几浓厚，但比较油，而面条系用曲身面，面质比较粉口唔算爽滑，而叉烧亦偏肥同薄，溏心蛋半只但浸左落汤已经无乜蛋黄，个人觉得碗面汤同面都ok嘅，但最大问题系竟然会有几条面黐埋一齐未煮开，呢个简直系低级错误，啱啱新开都搅到咁又点比信心客人继续去食呢!至于服务又点呢?原本我一个人入去念住坐bar枱，但店员就叫我坐table枱，但张枱又未抹好㖞(枱面系有啲水同油渍)咁佢又叫番我坐bar枱啦～转头又话不如你坐喺table枱等一阵我尽快帮你抹番张枱，但坐到我落完单碗面上枱都未抹枱!枱面仍然有水同油渍，咁嘅所谓服务仲要收加一服务费，真系成个饮食业比你哋搅弯晒，无心做就唔好做啦，点解香港饮食业咁差咪多得你呢班无心嘅人啰，日日喺度呃饭食，又唔系忙都可以煮到碗拉面咁，真系影衰晒香港啲拉面店。