EL Dining (已結業)

首先环境都几好，侍应有礼貌，但食物有待改善，由蟹肉饼嘅前菜开始，热食已经唔够热，薄切吞拿应该为冻食，但变左暖，带子ok嘅，牛肝菌云吞就一般，鱼生类如果就算做冷盘，唔够冻会较难食，另外牛肉配苦菜，都系较为冻，所以肉质较鞋，唔好食，配菜嘅苦菜其实可以选择另一样代替，味道唔夹，可能厨师嘅意思想特别，但都要考虑大多数人接受程度，可能煮上碟摆碟时间耐左，令其变冻，另外可能好多人接受，但我本人就觉得有问题，食牛肉时，侍应问要唔要芥辣，其实一般好正常唔会觉得要另外比钱，因为只是一小匙，又或者较高级地方，但如果真要另收费，可能餐牌上要写名清楚，因为我本人都系铜锣湾开餐厅，所以都会较为著眼客人之间嘅清晰度，同食物嘅执著，希望继续加油改善。