OOULI

营业中

休息中

好耐冇写食评，不过今次真系要写一写，唔系因为觉得好差，而系因为觉得有啲嘢真系需要改善，都希望呢间餐厅日后可以做得更好更多生意！首先个menu，就只系得一个menu，九道菜tasting menu，当中只有main course有得选择，其他全部冇得选择！我觉得呢度有几个问题，首先如果真系咁，应该要事先同客人讲明，唔系去到先发现！因为在我角度，唔系人人都食到九道菜，加上入边啲嘢食，又未必人人啱食！例如𠮶日我同行有小朋友，未必食到咁多嘢，同时小朋友又未必食刺身，如果我事先知道menu只得一个我可以重新衡量究竟去唔去？唔系去到硬食！我觉得呢度有改善空间！一系多一两个menu俾客人选择！又或者单一menu，但入面多啲选择，例如三款前菜选择一款果只！anyway, 讲返嘢食，整体上面系唔错的，但九道菜当中有啲系失望的，例如个清汤鲍鱼，鲍鱼有啲韧，全部人都冇食晒，主菜个澳洲和牛有啲韧（味道好唔错，但韧），另外个主食黑毛猪都系一样有d靱！不过个白饭真系好有惊喜，真系估唔到一啲咁简单嘅嘢，可以有咁大分别，当时个个都食到好饱，已经食唔落，但因为个白饭实在太出色，大家都照食晒佢！呢个令我真系大开眼界！值得