NEXT Shikaku

营业中

休息中

上环歌赋街早几日又一间座银集团旗下拉面店@nextshikaku.hk 试业，主打牡蛎拉面，拉面分白汤或同清汤两款选择，另外仲有牡蛎沾面。作为拉面同蚝爱好者加上座银品牌有保证，今日夜晚六点半到店，店舖装修跟品牌其他拉面店一样用开放式厨房同Bar枱设计，座位空间算阔落坐得舒服，今晚我点牡蛎白汤(蚝，豚，鸡)，座银本身嘅豚鸡汤喺香港已经差不多可以讲话无得输，将汤头再加入蚝肉打成牡蛎白汤，但今朝我试蚝味又唔算好特出，比预期有落差，豚骨嘅浓厚同鸡嘅鲜甜就好鲜明，不过听店员讲个汤仲系调较阶段，每碗拉面都有一只蚝，今日蚝嘅产地系岩手县，蚝肉唔算好大只，但都饱满有蚝味，来货产地会因应日本当地供应而有所不同，面条系太面，面质爽滑有咬口，吸汤效果不错，而呢碗拉面售价系＄154加一服务费＄174，合唔合理就见仁见智。