禾牛薈火煱館 (金馬倫道)

营业中

休息中

好友生日想搞个惊喜派对，要有好嘢食有得唱k又有个私人空间，又唔想去party room，其中一个好识饮识食嘅friend揾到金马伦道呢间火锅，部长好好人，安排咗一间14人卡拉ok房畀我哋，一入去见到一张大长枱，上面有四个炉，刚好14个朋友够晒坐。餐厅提早畀我哋入场教生日布置，寿星女到了开心到不得了。食物方面全部系冇得弹，牛肉有几款，我哋叫咗最平和中价两种，两款都好食。丸类全部系新鲜手打，最特别系有田鸡，好少地方有得食。饮品叫咗啤酒，竹蔗茅根水同菊花茶各几渣，全部都好饮。酱料方面有一只类似xo酱特别好味值得推介，整晚在美食k歌中快乐渡过。价钱方面呢间系属于中偏高，喺尖沙咀呢个地段，咁嘅环境同食物质素，都算物有所值。