影片
更多
2022-09-16
180 浏览
好耐无烧过嘢食，明明大尾笃同我这么近却那么远🤣正所谓秋凉，一过中秋就带埋小朋友同芯爸去烧嘢食。呢度场地好大，占地40万尺，除咗烧烤场外仲有一片大草原，每逢星期五，六，日同公众假期仲会有一个超级大嘅吹气城堡，小朋友黎一定超开心！户外活动仲有农庄体验同游乐专区添，芯芯仲夹到一只公仔添！今次我地夜晚黎，虽然无吹气城堡，但一入场已经比只大嘅吹气兔仔同五光十色嘅灯笼吸引住，场主喺布置真系落咗好多心机，打咭影相好靓 📷 一入场先选择港式/日式串烧/韩式烧烤，因为我地带住小朋友想方便啲，就拣咗韩式烧烤，一网打尽😂不过无论你用边个方法烧嘢食，都系用炭架😎职员帮我地开炉之后我地就去士多拎用具同饮品。每位入场收费除咗任食之外仲会包两罐饮品，留意返选择烧烤炉之后就唔可以再转。至于食物方面都算多，净系肉类都有30几款，素食者都有接近二十款食物选择。如果要拎嘢食每次用返场内提供嘅盘就ok，食物区会有专人帮你拎嘢食，咁就可以确保卫生d亦唔怕浪费食物。顺带一提，呢度嘅食物系无味精架👍🏻酱料分别有孜然粉，辣粉蜜糖同鼓油，记得拎生油呀，韩式烧烤必备🍖 我觉得佢地整嘅南乳鸡翼同洋葱猪扒都好入味，肉质亦够淋，大人同小朋友都
呢度场地好大，占地40万尺，除咗烧烤场外仲有一片大草原，每逢星期五，六，日同公众假期仲会有一个超级大嘅吹气城堡，小朋友黎一定超开心！户外活动仲有农庄体验同游乐专区添，芯芯仲夹到一只公仔添！
今次我地夜晚黎，虽然无吹气城堡，但一入场已经比只大嘅吹气兔仔同五光十色嘅灯笼吸引住，场主喺布置真系落咗好多心机，打咭影相好靓 📷
一入场先选择港式/日式串烧/韩式烧烤，因为我地带住小朋友想方便啲，就拣咗韩式烧烤，一网打尽😂
不过无论你用边个方法烧嘢食，都系用炭架😎职员帮我地开炉之后我地就去士多拎用具同饮品。每位入场收费除咗任食之外仲会包两罐饮品，留意返选择烧烤炉之后就唔可以再转。
至于食物方面都算多，净系肉类都有30几款，素食者都有接近二十款食物选择。如果要拎嘢食每次用返场内提供嘅盘就ok，食物区会有专人帮你拎嘢食，咁就可以确保卫生d亦唔怕浪费食物。顺带一提，呢度嘅食物系无味精架👍🏻
酱料分别有孜然粉，辣粉蜜糖同鼓油，记得拎生油呀，韩式烧烤必备🍖 我觉得佢地整嘅南乳鸡翼同洋葱猪扒都好入味，肉质亦够淋，大人同小朋友都会钟意😋
下一次要day time黎同朋友仔一齐玩埋吹气城堡至得🌟温馨提示，黎之前记得订位呀😬
任食4小时收费：
成人$168平日/$188 周末
小童或65岁以上长者$100
张贴
